ສຳນັກຂ່າວຕ່າງປະເທດ ລາຍງານໃນວັນທີ 16 ກັນຍານີ້ວ່າ ລັດຖະບານເອກວາດໍ ໄດ້ຮ້ອງຂໍຄວາມຊ່ວຍເຫລືອຢ່າງຮີບດ່ວນ ຈາກບັນດາປະເທດໃກ້ຄຽງໃນພາກພື້ນລາຕິນອາເມຣິກາ ຫລັງປະເຊີນກັບໄຟປ່າໄໝ້ລາມເຂົ້າໃກ້ນະຄອນຫລວງກີໂຕ. ທ່ານ ຣາຟາເອລ ກໍເຣຍ ປະທານາທິບໍດີ ແຫ່ງ ເອກວາດໍ ຖະແຫລງວ່າ ຂະນະນີ້ລັດຖະບານໄດ້ຮ້ອງຂໍຄວາມຊ່ວຍເຫລືອໄປຍັງປະເທດໃກ້ຄຽງແລ້ວ ເປັນຕົ້ນແມ່ນໂກລົມບີ, ເປຣູ ແລະ ບຣາຊິນ ຂະນະທີ່ລັດຖະບານເວເນຊູເອລາ ໄດ້ໃຫ້ຄຳໝັ້ນຈະສົ່ງເຮລິຄອບເຕີ້ມາຊ່ວຍໃນການມອດໄຟປ່າທີ່ລຸກໄໝ້ ຢ່າງໜ້ອຍ 17 ຈຸດ ທົ່ວປະເທດ ຈາກສະພາບອາກາດຮ້ອນແຮງ ບວກກັບກະແສລົມພັດແຮງ ແລະ ສະພາບຝົນຕົກບໍ່ເປັນປົກກະຕິ.
