ສຳນັກຂ່າວຕ່າງປະເທດ ລາຍງານໃນວັນທີ 15 ກັນຍານີ້ວ່າ ທ່ານ ອິບຣາຮິມ ມາຫລັບ ນາຍົກລັດຖະມົນຕີແຫ່ງປະເທດອີຢິບ ໄດ້ໂທລະສັບເຖິງເອກອັກຄະລັດຖະທູດແມັກຊິກ ປະຈຳນະຄອນຫລວງໄຄໂຣ ປະເທດອີຢິບ ເພື່ອຂໍໂທດຕໍ່ກັບເຫດການທີ່ທະຫານອີຢິເຂົ້າໃຈຜິດ ຍິງລົດນັກທ່ອງທ່ຽວ 4 ຄັນ ໃນຂະນະທີ່ເຂົ້າໄປທ່ອງທ່ຽວຢູ່ເຂດທະເລຊາຍຕາເວັນຕົກຂອງອີຢິບ ເຮັດໃຫ້ມີຜູ້ເສຍຊີວິດເຖິງ 12 ຄົນ ຊຶ່ງໃນນັ້ນແມ່ນເປັນນັກທ່ອງທ່ຽວຊາວແມັກຊິກ 8 ຄົນ ແລະ ຊາວອີຢິບ 4 ຄົນ.

ທັງນີ້ ເຫດສະຫລົດດັ່ງກ່າວ ເກີດຂຶ້ນໃນລະຫວ່າງກອງກຳລັງຄວາມໝັ້ນຄົງຂອງອີຢິບ ກຳລັງໄລ່ຕິດຕາມກຸ່ມນັກຮົບຕິດອາວຸດໃນເຂດດັ່ງກ່າວ ກ່ອນທີ່ຈະພົບຍານພາຫະນະ 4 ຄັນ ຢູ່ຫາກຈາກຖະໜົນຫລັກ ຈຶ່ງໄດ້ເປີດສາກໂຈມຕີໂດຍບໍ່ຮູ້ວ່າເປັນລົດຂອງນັກທ່ອງທ່ຽວ.