ສຳນັກຂ່າວຕ່າງປະເທດ ລາຍງານໃນວັນທີ 15 ກັນຍານີ້ວ່າ ເກີດເຫດເຮືອຊາວອົບພະຍົບຫລົ້ມ ຢູ່ບໍລິເວນນອກຊາຍຝັ່ງດ້ານຕາເວັນຕົກສຽງໃຕ້ຂອງປະເທດຕວກກີ ໃນມື້ນີ້ (15 ກັນຍາ) ສົ່ງຜົນເຮັດໃຫ້ມີຜູ້ຈົມນ້ຳເສຍຊີວິດຢ່າງໜ້ອຍ 22 ຄົນ ແລະ ໜ່ວຍຍາມຊາຍຝັ່ງຂອງຕວກກີ ສາມາດຊ່ວຍຊີວິດຜູ້ອົບພະຍົບໄດ້ 211 ຄົນ ໂດຍບັນດາຜູ້ອົບພະຍົບດັ່ງກ່າວນີ້ ແມ່ນເດີນທາງອອກຈາກເມືອງດັດກາ ທາງພາກຕາເວັນຕົກສຽງໃຕ້ຂອງຕວກກີ ຊຶ່ງມີຈຸດມຸ່ງໝາຍເດີນທາງເຂົ້າສູ່ປະເທດເກຣັກ ແຕ່ເກີດເຫດເຮືອຫລົ້ມເສຍກ່ອນ ໂດຍແຫລ່ງຂ່າວຍັງບໍ່ທັນລະບຸເຖິງສັນຊາດຂອງຜູ້ອົບພະຍົບກຸ່ມນີ້ເທື່ອ.