ຝຸ່ນລະອອງ ຕົວການທີ່ເຮັດໃຫ້ຜູ້ຍິງຕຸ້ຍ ເລື່ອງທີ່ເຮັດໃຫ້ສາວໆຕົກໃຈນີ້ຈະເປັນແທ້ຫລືບໍ່ ມື້ນີ້ລາວໂພສຈະຊວນມາໄຂຂໍ້ຂ້ອງໃຈກັນ
ສາວໆຄົນໃດທີ່ຂີ້ຄ້ານທຳຄວາມສະອາດເຮືອນຫລືໂຕະເຮັດວຽກ ຈົນປ່ອຍໃຫ້ຝຸ່ນມາຈັບເຕັມໄປຫມົດ ຕໍ່ໄປນີ້ຄົງຕ້ອງຄິດກັນໃໝ່ແລ້ວເພາະລ່າສຸດມີງານວິໄຈໃໝ່ທີ່ເຜີຍອອກມາໃຫ້ຜູ້ຍິງຢ້ານຕຸ້ຍຮູ້ສຶກຕົກໃຈກັນອີກແລ້ວວ່າ ຝຸ່ນລະອອງທີ່ຢູ່ຮອບຕົວເຮົານີ້ແຫລະເປັນຕົ້ນເຫດທີ່ເຮັດໃຫ້ຕຸ້ຍໄດ້
ໂດຍງານວິໄຈທີ່ວ່ານີ້ພົບວ່າ ຝຸ່ນລະອອງທັງໃນເຮືອນແລະບ່ອນເຮັດວຽກຂອງສາວໆສາມາດທີ່ຈະສົ່ງສັນຍານໄປກະຕຸ້ນເຊວໄຂມັນຂອງມະນຸດໃຫ້ຈະເລີນເຕີບໂຕຂຶ້ນ ແລະນີ້ແຫລະທີ່ຈະເຮັດໃຫ້ລະບົບການເຜົາຜານໃນຮ່າງກາຍຂອງເຈົ້າເຮັດວຽກຊ້າລົງແຕ່ຖ້າວ່າໜຶ່ງໃນຜູ້ຂຽນງານວິໄຈ (Heather Stapleton) ກໍຊີ້ວ່າ ຕອນນີ້ຍັງບໍ່ອາດບອກໄດ້ວ່າຈະສົ່ງຜົນຕໍ່ສຸກຂະພາບໃນໄລຍະຍາວຫລືຈະເຮັດໃຫ້ເກີດພະຍາດບາງຊະນິດຫລືບໍ່
ນອກຈາກນີ້ ເຮດເທີລ໌ ສະເຕເປີນຕັນ ແລະທີມທີ່ຮ່ວມງານກັນຍັງໄດ້ກໍ່ການທົດລອງໂດຍການເກັບຝຸ່ນຕົວຢ່າງຈາກເຮືອນແລະຫ້ອງການ ໂດຍພົບວ່າວັດຖຸບາງອັນໃນຝຸ່ນກໍສາມາດປ່ຽນແປງເປັນໂປຕີນທີ່ຮຽກວ່າ PPAR-gamma1 ໄດ້ ຊຶ່ງໂປຕີນຕົວນີ້ກໍພົບໄດ້ໃນເນື້ອເຍື່ອມະນຸດເຊັ່ນກັນ ແລະເຈົ້າຕົວນີ້ກໍເປັນສາເຫດທີ່ເຮັດໃຫ້ເຊວໄຂມັນຈະເລີນເຕີບໂຕໄດ້ດ້ວຍ ຊຶ່ງກໍອາດຈະຕີຄວາມໄດ້ວ່າ ໂປຕີນຕົວນີ້ແຫລະທີ່ອາດເຮັດໃຫ້ຜູ້ຍິງເຮົາຕຸ້ຍໄດ້
ເຖິງແມ່ນວ່າຜົນວິໄຈນີ້ຈະເປັນທີ່ໜ້າສົນໃຈຫລາຍ ແຕ່ກໍຍັງສະຫລຸບຊັດເຈັນບໍ່ໄດ້ວ່າຝຸ່ນເຮັດໃຫ້ສາວໆ ຕຸ້ຍໄດ້ແທ້ຫລືບໍ່ ຈຶ່ງຄວນຕ້ອງກໍ່ການວິໄຈເພິ່ມເຕິມອີກ ແຕ່ພໍຮູ້ແບບນີ້ແລ້ວສາວໆກໍຄວນຈະກຳຈັດຝຸ່ນດ້ວຍການເຮັດຄວາມສະອາດເຮືອນຫລືໂຕະເຮັດວຽກເລື້ອຍໆເພາະຖ້າຮ່າງກາຍເຮົາສູບເອົາຝຸ່ນເຂົ້າໄປຫລາຍໆກ່ອນຈະຢ້ານພະຍາດຕຸ້ຍຄວນຕ້ອງຢ້ານພະຍາດອື່ນໆມາຢ້ຽມກ່ອນຈະດີກວ່າ