ສາວໆຫລາຍຄົນຄົງປະສົບບັນຫາກັບຜິວໜັງຂ້າງເລັບຫລຸດລອກເປັນຂຸຍ ຈົນກໍ່ໃຫ້ເກີດບັນຫາ ເພາະບາງຄົນເຫັນແລ້ວຄັນແຂ້ວອົດບໍ່ໄດ້ຕ້ອງລອກດຶງອອກເຮັດໃຫ້ເປັນບາດນ້ອຍໆແສບໆຄັນໆ
ບັນຫາຜິວຂ້າງເລັບລອກ ເປັນເພາະຮ່າງກາຍຂາດນ້ຳ ເຮັດໃຫ້ຜິວແຫ້ງບໍ່ໄດ້ຮັບການດູແລຮັກສາແລະບໍ່ຄ່ອຍທາຄີມບຳລຸງ ອີກສ່ວນໜຶ່ງສາເຫດເກີດຈາກການເປັນພູມແພ້ມັກຈະເຮັດໃຫ້ຜູ້ປ່ວຍບໍ່ຄ່ອຍມີຜິວໜັງອ້ອມຮອບ ເມື່ອຮູ້ຕົ້ນເຫດຂອງບັນຫາ ເຮົາກໍຕ້ອງເບິ່ງແຍງໃຫ້ຖືກວິທີດື່ມນ້ຳໃຫ້ພຽງພໍຕໍ່ຄວາມຕ້ອງການຂອງຮ່າງກາຍໃນແຕ່ລະມື້ 6-8 ແກ້ວ ແລະ ໝັ່ນທາຄີມບຳລຸງມືແລະເລັບທຸກເທື່ອທີ່ມືປຽກນ້ຳ ແລະຫາກເປັນໄປໄດ້ບໍ່ຄວນ ສຳຜັດກັບແຟັບຫລືນ້ຳຢາລ້າງຈານໂດຍກົງ ຄວນສວມຖົງມື ເພາະຈະເຮັດໃຫ້ຜິວໜັງຍິ່ງແຫ້ງຫລາຍຂຶ້ນແລະຢ່າລືມເບິ່ງແຍງມືຄູ່ງາມຂອງເຈົ້າໃຫ້ນຸ່ມນວນແລະໜ້າສຳຜັດຢູ່ສະເໝີ