Marques Brownlee ນັກຣີວິວອຸປະກອນໄອທີຊື່ດັ່ງ ທີ່ໄດ້ມີໂອກາດເຂົ້າຮ່ວມງານເປີດຕົວ iPhone 6S ແລະ iPhone 6S Plus ເມື່ອອາທິດທີ່ຜ່ານມາ ຊຶ່ງ Marques Brownlee ໄດ້ເຜີຍຄລິບວີດີໂອຣີວິວ ຄຸນສົມບັດໃໝ່ ນັ້ນກໍຄື ຮອງຮັບການຖ່າຍຄລິບວີດີໂອຄວາມລະອຽດລະດັບ 4K ແລະ ພົບວ່າ iPhone 6S ແລະ iPhone 6S Plus ທີ່ມາພ້ອມກັບຫນ່ວຍຄວາມຈຳພາຍໃນຂະໜາດ 16 GB ຮອງຮັບການຖ່າຍວີດີໂອ 4K ໄດ້ພຽງ 34 ນາທີເທົ່ານັ້ນ
ໂດຍ Marques Brownlee ໄດ້ທົດສອບການຖ່າຍຄລິບວີດີໂອທີ່ຄວາມລະອຽດລະດັບຕ່າງໆ ຊຶ່ງໄດ້ແກ່ 720p 30 fps, 1080p 30 fps, 1080p 60 fps ແລະ 4K 30 fps ຊຶ່ງຜົນປາກົດວ່າ ໃນເວລາ 1 ນາທີ ຄລິບວີດີໂອຄວາມລະອຽດ 4K ກິນພື້ນທີ່ໄປ 375 MB ຊຶ່ງເມື່ອລອງຄິດໄລ່ເບີ່ງແລ້ວ iPhone 6S ຄວາມຈຸ 16 GB ຈະເຫລືອພື້ນທີ່ໃຊ້ງານປະມານ 13 GB ແລະ ເມື່ອລອງທົດສອບຖ່າຍຄລິບ 4K ດົນ 10 ນາທີ ຈະໃຊ້ພື້ນທີ່ປະມານ 3.75 GB, 20 ນາທີ ໃຊ້ພື້ນທີ່ປະມານ 7.5 GB, 30 ນາທີ 11.25 GB ແລະ ຖ້າຫາກເຫລືອພື້ນທີ່ເກືອບ 13 GB ຈະສາມາດຖ່າຍຄລິບ 4K ໄດ້ພຽງ 34 ນາທີ 40 ວິນາທີ
ເຫັນການທົດສອບແບບນີ້ແລ້ວ ໃຜທີ່ມີແຜນຈະຊື້ iPhone 6S ຫລື iPhone 6S Plus ຄວາມຈຸ 16 GB ແລະເນັ້ນການຖ່າຍຄລິບວີດີໂອເປັນພິເສດ ຈະຕ້ອງຄິດໃຫ້ດີກ່ອນຊື້ເດີ