ຖ້າຫາກໃຜທີ່ກຳລັງລຳຄານຟັງຊັ່ນຫລ້າສຸດຂອງ Facebook ທີ່ບັງຄັບຫລິ້ນຄລິບວີດີໂອເອງອັດຕະໂນມັດ ເຮົາມີວິທີງ່າຍໆໃນການປິດການຫລິ້ນວີດີໂອອັດຕະໂນມັດທັງເທິງຄອມພິວເຕີແລະມືຖືມາຝາກກັນໃນມື້ນີ້
ເປັນຄວາມຫວັງດີທີ່ອາດນຳມາຊຶ່ງຄວາມໜ້າລຳຄານ ສຳລັບການຫລິ້ນວີດີໂອເອງອັດຕະໂນມັດຂອງ Facebook ຫາກໃຜກຳລັງເບື່ອກັບບັນຫານີ້ ບໍ່ຢາກໃຫ້ຕ້ອງມາເປືອງຄ່າເນັດໄປລ້າໆ ເຮົາສາມາດເຂົ້າໄປຕັ້ງຄ່າ Turn off ປິດການຫລິ້ນວີດີໂອອັດຕະໂນມັດໄດ້ງ່າຍໆ
ການປິດການຫລິ້ນວີດີໂອອັດຕະໂນມັດເທິງ Facebook ສຳລັບໂທລະສັບມືຖື
- ກົດທີ່ໄອຄອນຮູບຂີດສາມຂີດ
2.ເລື່ອນລົງມາເລື່ອຍໆຈະພົບ App Settings ໃຫ້ກົດເຂົ້າໄປ
3.ໃນໜ້າ App Settings ຈະພົບຄຳສັ່ງ Videos play automatically ໃຫ້ກົດເຂົ້າໄປ
- ເຮົາສາມາດເລືອກ Off ເພື່ອປິດການຫລິ້ນວີດີໂອອັດຕະໂນມັດ ຫລື ເລືອກຄຳສັ່ງ Wi-fi only ເພື່ອໃຫ້ແອັບ Facebook ຫລິ້ນວີດີໂອອັດຕະໂນມັດສະເພາະເວລາທີ່ເຊື່ອມຕໍ່ກັບ Wi-fi ກໍໄດ້
ການປິດການຫລິ້ນວີດີໂອອັດຕະໂນມັດເທິງ Facebook ສຳລັບຄອມພິວເຕີ
ສຳລັບການປິດການຫລິ້ນວີດີໂອອັດຕະໂນມັດເທິງຄອມພິວເຕີ ວິທີການກໍຄ້າຍຄືກັນກັບການປິດໃນແອັບເທິງມືຖື ດັ່ງນີ້
1. ກົດທີ່ປຸ່ມລູກສອນຊີ້ລົງ ເລື່ອນມາເລື່ອຍໆຈະພົບ Settings ກົດເຂົ້າໄປ
2. ເບີ່ງທີ່ເມນູດ້ານຊ້າຍມື ເຮົາຈະເຫັນຄຳວ່າ Videos ໃຫ້ຄລິກເຂົ້າໄປ
3. ເມື່ອເຂົ້າສູ້ໜ້າ Video Settings ແລ້ວ ເຮົາຈະເຫັນ Auto-Play Videos ໃຫ້ເຮົາເລືອກ Off ເປັນອັນສຳເລັດຮຽບຮ້ອຍ