ສຳນັກຂ່າວຕ່າງປະເທດ ລາຍງານໃນວັນທີ 14 ກັນຍານີ້ວ່າ ພູເຂົາໄຟອາໂສະ (Mount Aso) ຢູ່ເກາະຄິວຊູ ທາງຕອນໃຕ້ຂອງປະເທດຍີ່ປຸ່ນ ໄດ້ລະເບີດຂຶ້ນປ່ອຍຄວັນ ແລະ ຂີ້ເຖົ່າພູເຂົາໄຟຂຶ້ນສູ່ເທິງຟ້າສູງປະມານ 2 ກິໂລແມັດ ໃນຕອນເຊົ້າຂອງມື້ນີ້ (14 ກັນຍາ) ໂດຍຍັງບໍ່ທັນມີລາຍງານຜູ້ໄດ້ຮັບບາດເຈັບ ຫລື ລາຍງານຄວາມເສຍຫາຍແຕ່ປະການໃດ.

ສຳນັກງານອຸຕຸນິຍົມວິທະຍາຍີ່ປຸ່ນລາຍງານວ່າ ພູເຂົາໄຟອາໂສະ ແມ່ນມີຄວາມສູງ 1,592 ແມັດ ຊຶ່ງເປັນໜຶ່ງໃນບັນດາພູເຂົາໄຟທີ່ມີພະລັງແຮງທີ່ສຸດຂອງປະເທດຍີ່ປຸ່ນ ແລະ ກໍຍັງເປັນແຫລ່ງທ່ອງທ່ຽວທີ່ນັກທ່ອງທ່ຽວນິຍົມມາຍ່າງທ່ຽວປ່າ ແລະ ທຳມະຊາດອີກດ້ວຍ.