ຫລັງຈາກເຫັນຮາດແວຂອງ iPhone 6s ກັນໄປແລ້ວ ບາງຄົນກໍຍັງຮູ້ສຶກວ່າມັນຍັງບໍ່ຫລາຍພໍທີ່ຈະເຮັດໃຫ້ເກີດແຮງຈູງໃຈໃນການປ່ຽນໄອໂຟນເຄື່ອງເກົ່າມາໃຊ້ລຸ້ນໃໝ່ນີ້ ເຮົາລອງມາເບິ່ງຊອບແວກັນນຳດີກວ່າດ້ວຍຮາດແວໃໝ່ ເຮັດໃຫ້ມັນເຮັດຫຍັງໄດ້ຫລາຍກວ່າເກົ່າແດ່ ຊຶ່ງລູກຫລິ້ນເຫລົ່ານີ້ ຫາກບໍ່ແມ່ນ iPhone 6s ຈະບໍ່ສາມາດເຮັດໄດ້
Live Photos
ເມື່ອເຮົາທຳການຖ່າຍຮູບເທິງ iPhone 6s/6s+ ຕົວ iOS 9 ຈະທຳການບັນທຶກຊ່ວງເວລາກ່ອນແລະຫລັງຊ່ວງເວລາທີ່ຈັບພາບໃຫ້ເຮົາອັດຕະໂນມັດ ເພື່ອສ້າງເປັນ Live Photo (ຮູບເຄື່ອນໄຫວ) ສັ້ນໆ ໃຫ້ເຮົາ ບັນທຶກທັງຄວາມເຄື່ອນໄຫວແລະສຽງໃຫ້ເຮົາເອີ້ນເບິ່ງໄດ້ພາຍຫລັງ
ຢ່າງໃດກໍຕາມຟັງຊັ່ນນີ້ ຕ້ອງການການປະມວນຜົນຈາກຮາດແວແລະກ້ອງພໍສົມຄວນ ຈຶ່ງສາມາດເຮັດໄດ້ສະເພາະເທິງ iPhone 6s ເທົ່ານັ້ນ ແຕ່ເຖິງແມ່ນເຮົາຈະບໍ່ສາມາດບັນທຶກໄດ້ ແຕ່ຜູ້ໃຊ້ iPhone ລຸ້ນເກົ່າ ສາມາດກົດເບິ່ງພາບແບບ Live Photo ທີ່ສົ່ງມາຈາກ iPhone 6s ໄດ້
3D Touch
ເທິງ iOS 9 ມີຮູບແບບການສັ່ງງານໄອໂຟນແບບໃໝ່ທີ່ເອີ້ນວ່າ Peek ຊຶ່ງອາໄສການຈັບແຮງກົດຈາກໜ້າຈໍ ເຮັດມັນໃຊ້ງານໄດ້ສະເພາະ iPhone 6s ທີ່ມີຈໍແບບ 3D Touch ເທົ່ານັ້ນ ລວມເຖິງການໃຊ້ຄຳສັ່ງ Quick Actions ຫລືການປ່ຽນຄີບອດເປັນ Virtual Trackpad ກໍເຮັດໄດ້ສະເພາະເທິງໄອໂຟນລຸ້ນຫລ້າສຸດເທົ່ານັ້ນ
https://youtu.be/cSTEB8cdQwo
Animated wallpapers
ເນື່ອງຈາກບໍ່ສາມາດບັນທຶກພາບແບບ Live Photos ໄດ້ ກໍບໍ່ແມ່ນເລື່ອງແປກຫຍັງທີ່ iPhone ລຸ້ນເກົ່າຈະບໍ່ສາມາດໃຊ້ງານພາບພື້ນຫລັງແບບເຄື່ອນໄຫວໄດ້ ແມ່ນຈະຕັ້ງຄ່າໄດ້ ແຕ່ພາບຈະເຄື່ອນໄຫວເມື່ອມີແຮງກົດ ຊຶ່ງມັນກໍຕ້ອງໄປໃຊ້ສຳຜັດຈາກຈໍແບບ 3D Touch ເຮົາຈຶ່ງໃຊ້ງານໄດ້ພຽງແຕ່ພາບນິ່ງ
ໃຊ້ງານ Siri ໄດ້ຕະຫລອດເວລາ ໂດຍບໍ່ຕ້ອງກົດປຸ່ມເພື່ອເອີ້ນໃຊ້ງານ
ສະບາຍດີ Siri ໂດຍບໍ່ຕ້ອງກົດປຸ່ມ ເທິງ iPhone ລຸ້ນເກົ່າ ໃຊ້ງານໄດ້ສະເພາະເວລາທີ່ເຮົາສຽບສາຍສາກຄ້າງເອົາໄວ້ເທົ່ານັ້ນ ແຕ່ iPhone 6s ສາມາດໃຊ້ງານໄດ້ຕະຫລອດເວລາ ໂດຍບໍ່ຕ້ອງສຽບສາຍສາກພຽງແຕ່ຢ່າງໃດ ເປັນຜົນມາຈາກການຍ້າຍຊິບຄຳສັ່ງໄປເຮັດວຽກຮ່ວມກັບຊິບ M9
ບັນທຶກແລະແກ້ໄຂວິດີໂອຄວາມລະອຽດສູງລະດັບ 4K
ການຖ່າຍວິດີໂອລະດັບ 4K ເຮົາຈຳເປັນຕ້ອງມີເຊັນເຊີຂະໜາດ 12MP ຂອງກ້ອງ iSight ຕົວໃໝ່ທີ່ຢູ່ເທິງ iPhone 6s ແລະ 6s Plus ສ່ວນໃນການແກ້ໄຂວິດີໂອລະດັບ 4K ເຮົາກໍຈຳເປັນຕ້ອງໃຊ້ຊິບ A9 ແລະແລມຂະໜາດໃຫຍ່ໃນການປະມວນຜົນ
