ຫາກເຮົານັບເວລາຕັ້ງແຕ່ທີ່ Microsoft ໄດ້ປ່ອຍ Office 2016 ລຸ້ນທົດລອງ ສຳລັບ Window ແລະ Mac ອອກມາ ກໍຖືວ່າເປັນການຄອຍຖ້າທີ່ເປັນເວລາດົນ ແຕ່ມື້ນີ້ການຄອຍຖ້າຈະຕ້ອງສີ້ນສຸດລົງເພາະ Microsoft ໄດ້ອອກມາປະກາດແລ້ວວ່າ Office 2016 ຕົວຈິງໃນວັນທີ່ 22 ກັນຍາທີ່ຈະເຖິງນີ້
ສຳລັບ Office 2016 ນີ້ ທາງ Microsoft ກ່າວວ່າ ສຳລັບຜູ້ໃຊ້ Office 365 Personal ແລະ Office 365 Home ຈະສາມາດຕິດຕັ້ງແອບພິເຄຊັນ 2016 ໄດ້ຕັ້ງແຕ່ວັນທີ່ 22 ກັນຍານີ້ຜ່ານທາງເວັບ office.com ແລະຈະມີການອັບເດດແບບອັດຕະໂນມັດໃນວັນທີ່ 1 ຕຸລານີ້
ແລະໃນສ່ວນຂອງບໍລິສັດທີ່ໃຊ້ Office 365 ProPlus ຈະມີການປັບປຸງຮູບແບບໃໝ່ເພີ່ມຂຶ້ນທີ່ເອີ້ນວ່າ Current Branch for Business ຊຶ່ງມັນຈະເຮັດໃຫ້ເຮົາໝັ່ນໃຈໄດ້ເລີຍວ່າທົດສອບແລະແກ້ບັນຫາເພື່ອຄວາມປອດໄພໃຫ້ເຮົາແລ້ວ
ແລະນອກຈາກນີ້ ການມາຂອງ Office 2016 ຍັງມີຟັງຊັ່ນໃໝ່ໆໃຫ້ເຮົາໄດ້ຫລິ້ນກັນອີກຢ່າງການເຮັດວຽກງານຮ່ວມກັນແບບໄຮ້ຂອບເຂດ, ການຝັງລະບົບຈັດເກັບກຸ່ມເຄືອຂ່າຍ, ຜູ້ຊ່ວຍ Tell Me ແລະທີມສີທີ່ເພີ່ມເຕີມມາໃໝ່ ອີກດ້ວຍ