ຫລັງ​ຈາກທີ່ບໍ່ປະສົບຄວາມສຳເລັດ​ຮອບ​ທີ່​ແລ້ວ ເພາະ​ຈະ​ຫລວດ Speac X ທີ່​ເຮັດ​ຫນ້າທີ່​ຂົນ​ສົ່ງ​ເກີດ​ລະ​ເບີດ​ກາງ​ອາ​ກາດ ເຮັດໃຫ້​ແຜນ​ການ​ທີ່​ຈະ​ສົ່ງ Hololens ໄປ​ໃຫ້​ນັກ​ບິ​ນອາວະກາດ​ທີ່ ISS ທີ່​ໃຊ້​ຕ້ອງ​ຢຸດ​​ໄປ ຫລ້າ​ສຸດ​ທາງ Microsoft ໄດ້​ເຜີຍ​ວ່າ ຈະ​ມີ​ແຜນ​ຈະ​ສົ່ງ​ໄປ​ອີກ​ເທື່ອ​ໃນ​ເດືອນ​ທັນວາ​ປີ​ນີ້

ມີ​ຄວາມ​ພະຍາຍາມ  Microsoft  ປະ​ກາດ​ວ່າ​ຈະ​ສົ່ງ ແວ່ນ 3 ມິ​ຕິ Hololens ໄປ​ໃຫ້​ນັກ​ບິນອາວະ​ກາດ​ໃຊ້​ງານ​ກັນ​ອີກ​ເທື່ອ ໃນ​ວັນທີ່ 3 ທັນວາ​ປີ​ນີ້ ຫລັງ​ຮອບ​ທີ່​ແລ້ວ​ເດືອນ​ມິ​ຖຸ​ນາ ຈະ​ຫລວດ​ທີ່​ໃຊ້​ຂົນ​ສົ່ງ​ຢ່າງ Space X ເກີດ​ລະ​ເບີດ ຈົນ​ເຮັດໃຫ້​ແວ່ນ​ກາຍ​ເປັນ​ຝຸ່ນ​ບໍ່​ສາມາດ​ສົ່ງ​ໄປ​ໃຫ້​ໄດ້

ເທື່ອ​ນີ້​ຈຶ່ງ​ຂໍ​ແກ້​ຕົວ​ໃໝ່ ດ້ວຍ​ການ​ໃຊ້​ຈະ​ຫລວດ​ຂົນ​ສົ່ງ​ຂອງ Orbital Sciences ພາຍ​ໃນ​ບັນ​ຈຸ​ແວ່ນ Hololens ໄວ້​ພຽງແຕ່​ສອງ​ຕົວ (ກັນ​ໄວ້ກ່ອນ) ສົ່ງ​ໄປ​ຍັງ​ສະຖານີອາ​ວະ​ກາດ​ນານາ​ຊາດ​ຢ່າງ ISS ສຳລັບ​ຈຸດປະສົງ​ຂອງ​ແຜນ​ການ​ນີ້​ຄື  Microsoft  ຢາກ​ຈະ​ທົດສອບ​ຄວາມ​ສາມາດ​ຂອງ​ແວ່ນ Hololens ໂດຍ​ຜ່ານ​ການເຮັດໂປຣ​ເຈັກ Sidekick ຂອງ​ໝູ່ຮັກຢ່າງ NASA ນີ້​ເອງ

ມາ​ລຸ້ນ​ກັນ​ວ່າ ໃນ​ວັນທີ່ 3 ທັນວາ  Microsoft  ຈະ​ສາມາດ​ສົ່ງ​ແວ່ນ Hololens ໄປ​ໃຫ້​ທາງ​ນັກ​ບິ​ນອາວະ​ກາດ​ທີ່ ISS ໄດ້​ໃຊ້​ແທ້ໆ​ ຫລື ​ບໍ່ ຫວັງ​ວ່າ​ເທື່ອ​ນີ້ ຈະ​ຫລວດ​ຈະ​ບໍ່​ລະ​ເບີດ​ຄືກັບ​ຂອງ Space X ເດີ