ສຳນັກຂ່າວຕ່າງປະເທດ ລາຍງານໃນວັນທີ 10 ກັນຍາຜ່ານມານີ້ວ່າ ທ່ານ ມານູເອວ ວານ ນາຍົກລັດຖະມົນຕີແຫ່ງປະເທດຝຣັ່ງ ໄດ້ເປີດເຜີຍເຖິງແຜນການກຽມໃຫ້ເຮືອບິນສູ້ຮົບຂອງປະເທດ ເຂົ້າຮ່ວມໂຈມຕີທາງອາກາດໃນຊີຣີ ເພື່ອທຳລາຍລ້າງກຸ່ມຕິດອາວຸດລັດອິດສະລາມ ຫລື ໄອເອັສ ແນໃສ່ເພື່ອແກ້ໄຂບັນຫາຜູ້ອົບພະຍົບຊາວຊີຣີ ທີ່ຫລັ່ງໄຫລກັນເຂົ້າມາລີ້ໄພຢູ່ເອີຣົບໃນປັດຈຸບັນ ໂດຍທ່ານໄດ້ເນັ້ນວ່າ ການຮັບເອົາຜູ້ລີ້ໄພເຂົ້າປະເທດ ບໍ່ແມ່ນວິທີແກ້ໄຂວິກິດການຜູ້ອົບພະຍົບ ໂດຍການບຸກໂຈມຕີທຳລາຍລ້າງກຸ່ມຕິດອາວຸດໃນຊີຣີ ແມ່ນການແກ້ໄຂບັນຫາທີ່ຕົ້ນເຫດ ຊຶ່ງທ່ານຈະປະກາດເປົ້າໝາຍຂອງຝຣັ່ງໃນການໂຈມຕີຢູ່ຊີຣີ ຕໍ່ກອງປະຊຸມລັດຖະສະພາຝຣັ່ງໃນວັນອັງຄານທີ 15 ກັນຍາ ທີ່ຈະມາເຖິງນັ້ນ.