ສຳນັກຂ່າວຕ່າງປະເທດ ລາຍງານໃນວັນທີ 11 ກັນຍານີ້ວ່າ ປະທານາທິບໍດີ ບາຣັກ ໂອບາມາ ແຫ່ງ ສະຫະລັດອາເມຣິກາ ໄດ້ອອກຄຳສັ່ງໃນມື້ວານນີ້ (10 ກັນຍາ) ໃຫ້ເຈົ້າໜ້າທີ່ຂອງຕົນ ເປີດຮັບຜູ້ອົບພະຍົບຊາວຊີຣີ ເພີ່ມຂຶ້ນເປັນຢ່າງໜ້ອຍ 10,000 ຄົນໃນສົກງົບປະມານໜ້າ ເນື່ອງຈາກສະຫະລັດອາເມຣິກາ ໄດ້ຖືກວິພາກວິຈານຈາກປະຊາຄົມໂລກຢ່າງໜັກວ່າ ສະຫະລັດອາເມຣິກາມີທ່່າທີເມີນເສີຍຕໍ່ວິກິດການຜູ້ອົບພະຍົບນັບແສນຄົນ ທີ່ຫລັ່ງໄຫລເຂົ້າທະວີບເອີຣົບໃນປັດຈຸບັນຍ.
ທັງນີ້ ຜູ້ອົບພະຍົບຊາວຊີຣີທີ່ພາກັນຫລົບໜີຈາກສົງຄາມຂັດແຍ່ງ ແລະ ຄວາມສັບສົນພາຍໃນປະເທດ ສ່ຽງຕາຍຂ້າມທະເລເມດິແຕຣານຽນ ເຂົ້າມາທະວີບເອີຣົບເພື່ອຂໍລີ້ໄພ ຊຶ່ງໃນນັ້ນແມ່ນມີບາງຈຳນວນກໍເສຍຊີວິດຈາກເຫດເຮືອຫລົ້ມກາງທະເລ.