ສຳນັກຂ່າວຕ່າງປະເທດ ລາຍງານໃນວັນທີ 10 ກັນຍາຜ່ານມານີ້ວ່າ ຍີ່ປຸ່ນໄດ້ປະເຊີນກັບຝົນຕົກໜັກທີ່ສຸດໃນຮອບ 50 ປີ ຊຶ່ງເປັນຜົນມາຈາກພາຍຸເຂດຮ້ອນ ເອຕາວ ທີ່ກໍ່ໃຫ້ເກີດມີນ້ຳຖ້ວມຂຶ້ນສູງໃນຫລາຍພື້ນທີ່ຂອງປະເທດ ໂດຍບາງແຫ່ງນ້ຳຖ້ວມສູງຈຳອາຄານຊັ້ນທຳອິດ ແລະ ທາງການໄດ້ສັ່ງໃຫ້ອົບພະຍົບປະຊາຊົນກ່ວາແສນຄົນໄປສູ່ບ່ອນປອດໄພ ຊຶ່ງຫລ້າສຸດມີລາຍງານວ່າ ມີຜູ້ສູນຫາຍ 2 ຄົນ ແລະ ໄດ້ຮັບບາດເຈັບຢ່າງໜ້ອຍ 17 ຄົນ ຈາກເຫດນ້ຳຖ້ວມຄັ້ງນີ້ ໂດຍເບື້ອງຕົ້ນທາງການໄດ້ສົ່ງເຮລິຄັອບເຕີ້ທະຫານ 12 ລຳ ເພື່ອເຂົ້າຮ່ວມປະຕິບັດການກູ້ໄພ ພ້ອມດ້ວຍທະຫານຈຳນວນ 55 ຄົນ ເຂົ້າໃຫ້ການຊ່ວຍເຫລືອອົບພະຍົບປະຊາຊົນ.
ປະ