ຂປລ. ຕາມຂ່າວຕ່າງປະເທດ, ໃນວັນທີ 10 ກັນຍາ 2015, ສຳນັກງານເງິນຕາແຫ່ງລັດ ຂອງຈີນ ໄດ້ມີ ຄຳສັ່ງໃຫ້ ສະຖາບັນ ການເງິນ ເພີ່ມການ ກວດສອບ ແລະ ຄວບຄຸມ ທຸລະກິດ ເງິນຕາຢ່າງເຂັ້ມງວດ ໂດຍສະເພາະ ການແຈ້ງ ລາຄາ ສິນຄ້າ ສົ່ງອອກ ສູງເກີນຕົວຈິງ ເພື່ອປົກປິດ ເງິນທຶນໄຫລອອກ.
ຄຳສັ່ງດັ່ງກ່າວ ມີຂຶ້ນ ຫລັງຈາກ ເດືອນກ່ອນ ຈີນໄດ້ຫລຸດ ຄ່າເງິນຢວນ ລົງຫລາຍຄັ້ງ ລວມເກືອບ 5% ພາຍໃນໜຶ່ງ ອາທິດ ໂດຍລະບຸວ່າ ເປັນສ່ວນໜຶ່ງ ຂອງການປະຕິຮູບ ເສດຖະກິດ ເພື່ອໃຫ້ອັດຕາ ແລກປ່ຽນມີ ຄວາມສະຖຽນ ລະພາບຫລາຍຂຶ້ນ. ຂະນະທີ່ ທຶນສຳຮອງ ເງິນຕາ ຕ່າງປະເທດ ຂອງຈີນ ຫລຸດລົງຫລາຍເຖິງ 93.900 ລ້ານໂດລາສະຫະລັດ ເຫລືອ 3,56 ຕື້ໂດລາ ສະຫະລັດ ເມື່ອທ້າຍ ເດືອນສິງຫາ ເນື່ອງຈາກ ລັດຖະບານ ຂາຍໂດລາ ສະຫະລັດ ໄປຊ່ວຍອຸດໜູນ ເງິນຢວນ.
ແຫລ່ງຂ່າວ:
