Audi Q6 e-tron ລົດພະລັງງານໄຟຟ້າທີ່ໃກ້ຈະອອກມາລະເບີດພະລັງພ້ອມກັບພະລັງ 400 ມ້າ
Audi (ອໍດີ້) ກຽມເປີດຕົວລົດພະລັງງານໄຟຟ້າຕົ້ນແບບ Audi e-tron Quattro ຊຶ່ງນັບເປັນຄັນທຳອິດຂອງທາງຄ້າຍໃນງານ Frankfurt Motor Show 2015 ປະເທດເຢຍລະມັນ
ໂດຍທັງນີ້ຄາດວ່າ Audi e-tron Quattro ຈະມີຊື່ວ່າ Q6 e-tron ແລະ ຈະຖືກອອກແບບໃຫ້ເປັນລົດປະເພດ SUV ຊຶ່ງຈາກພາບສະເກັດທີ່ເຫັນນັ້ນ ຕົວລົດຈະມີຄວາມສະປອດທີ່ສຸດແສນຈະງົດງາມ
Audi e-tron Quattro ຈະມາພ້ອມເຄື່ອງຈັກເຖິງ 2 ແບບ ໂດຍເຄື່ອງຈັກທຳອິດຈະໃຫ້ກຳລັງສູງສຸດ 300 ແຮງມ້າ ແຮງບິດ 449 ນິວຕັນແມັດ ແລະ ເຄື່ອງຈັກອີກຕົວທີ່ໃຫ້ກຳລັງສູງສຸດເຖິງ 400 ແຮງມ້າ ແຮງບິດ 649 ນິວຕັນແມັດ ຊຶ່ງຈະເຮັດວຽກຮ່ວມກັບແບດເຕີລີ່ຂະໜາດໃຫຍ່ ທີ່ຈະໃຫ້ພະລັງງານໄຟຟ້າຂະໜາດ 100 ກິໂລວັດຕໍ່ຊົ່ວໂມງ ຊຶ່ງຈະສາມາດແລ່ນໄດ້ໄກຫລາຍກວ່າ 320 ກມ.
Audi ຈະເປີດຕົວ Audi e-tron Quattro ຫລື Q6 e-tron ຢ່າງເປັນທາງການໃນງານ Frankfurt Motor Show 2015 ປະເທດເຢຍລະມັນ ລະຫວ່າງວັນທີ່ 15-27 ກັນຍາທີ່ຈະເຖິງນີ້