ສຳນັກຂ່າວຕ່າງປະເທດລາຍງານໃນວັນທີ 10 ກັນຍານີ້ວ່າ ທາງການດານມາກ ໄດ້ປິດທາງດ່ວນທີ່ເຊື່ອມຕໍ່ກັບເຢຍລະມັນໃນມື້ວານນີ້ (9 ກັນຍາ) ຫລັງຈາກມີຜູ້ອົບພະຍົບຊາວຊີຣີ ປະມານ 300 ຄົນ ພະຍາຍາມຍ່າງຕາມທາງດ່ວນດັ່ງກ່າວ ເພື່ອມຸ່ງໜ້າໄປສູ່ສະວີເດັນ ຊຶ່ງເປັນປະເທດປາຍທາງທີ່ພວກເຂົາຕ້ອງການເຂົ້າໄປຂໍລີ້ໄພ ໂດຍບໍ່ຍອມລົງທະບຽນລີ້ໄພຢູ່ປະເທດດານມາກ ຍ້ອນບໍ່ພໍໃຈຕໍ່ນະໂຍບາຍຂອງລັດຖະບານດານມາກ ທີ່ຕັດສິດ ແລະ ຜົນປະໂຫຍດຂອງຜູ້ລີ້ໄພລົງເຖິງ 50% ຖ້າທຽບໃສ່ກັບນະໂຍບາຍຂອງລັດຖະບານສະວີເດັນ ຊຶ່ງເປັນປະເທດທີ່ເປີດຮັບຊາວອົບພະຍົບຫລາຍທີ່ສຸດໃນເອີຣົບ ຖ້າຫາກທຽບກັບຈຳນວນປະຊາກອນພາຍໃນປະເທດ.