ກອງປະຊຸມລັດຖະມົນຕີ ອາຊຽນວ່າດ້ວຍອາຊະຍາກຳ ຂ້າມຊາດຄັ້ງທີ 9 ໄດ້ໄຂຂຶ້ນ ຢ່າງເປັນທາງການໃນຕອນ ເຊົ້າຂອງວັັນທີ 17 ກັນຍາ 2013 ນີ້ ທີ່ໂຮງແຮມດອນຈັນ ພາເລດ ໂດຍການກ່າວເປີດ ພິທີຂອງພະນະທ່ານ ທອງສິງ ທຳມະວົງ ນາຍົກລັດຖະມົນ ຕີແຫ່ງ ສປປ ລາວ, ມີບັນ ດາລັດຖະມົນຕີຮັບຜິດຊອບວຽກງານອາຊະຍາກຳຂ້າມ ຊາດຂອງປະເທດສະມາຊິກ ອາຊຽນ, ເລຂາທິການໃຫຍ່ ອາຊຽນ ແລະ ແຂກທີ່ຖືກ ເຊີນເຂົ້າຮ່ວມ.
ກອງປະຊຸມກອາຊຽນວ່າ ດ້ວຍອາຊະຍາກຳຂ້າມຊາດ ຄັ້ງທີ 9 ນີ້ ແມ່ນຈະໄດ້ປຶກສາ ຫາລືເຖິງແຜນການ ການຮ່ວມ ມືກັນຂອງອາຊຽນເພື່ອຕໍ່ຕ້ານ ອາຊະຍາກຳຂ້າມຊາດເປັນ ຕົ້ນແມ່ນການຄ້າຂາຍຢາເສບ ຕິດ ຜິດກົດຫມາຍ, ການຄ້າ ມະນຸດ, ການໂຈລະກຳທາງ ທະເລ, ການຄ້າ-ຂາຍອາວຸດ ຜິດກົດໝາຍ,ການຟອກເງິນ, ການກໍ່ການຮ້າຍ, ອາຊະຍາ ກຳທາງເສດຖະກິດແລະອາ ຊະຍາກຳທາງຄອມພິວເຕີ ເຊິ່ງບັນຫາເຫລົ່ານີ້ລ້ວນແຕ່ ແມ່ນໜຶ່ງໃນບັນຫາທີ່ເປັນສິ່ງ ທ້າທາຍລະດັບໂລກເປັນໄພ ຂົ່ມຂູ່ຕໍ່ສັນຕິພາບ,ຄວາມສະ ຫງົບ ແລະ ສະຖຽນລະພາບ, ສົ່ງຜົນກະທົບຕໍ່ການພັດທະ ນາເສດຖະກິດ-ສັງຄົມໃນ ພາກພື້ນ ແລະ ໃນໂລກເຊິ່ງ ບໍ່ມີປະເທດໃດໃນໂລກທີ່ຈະ ສາມາດສະກັດກັ້ນແລະກຳ ຈັດໄດ້ໂດຍລຳພັງນອກຈາກ ການຮ່ວມມືກັນແລະຄວາມ ເປັນຈິດຫນຶ່ງໃຈດຽວຂອງ ພວກເຮົາຈິ່ງຈະສາມາດຕໍ່ ຕ້ານສິ່ງທ້າທາຍໃນອະນາ ຄົດນີ້ໄດ້ ແລະ ກອງປະຊຸມ ລັດຖະມົນຕີອາຊຽນວ່າດ້ວຍ ອາຊະຍາກຳຂ້າມຊາດຈະ ເປັນເວທີຫນຶ່ງໃນການປຶກ ສາຫາລື ແລະ ຮ່ວມມືກັນ ກັບບັນດາປະເທດຄູ່ເຈລະ ຈາເພື່ອປະກອບສ່ວນຮັດ ແຫນ້ນການຮ່ວມມືກັນຕ້ານ ອາຊະຍາກຳຂ້າມຊາດ, ເພື່ອ ບັນລຸເປົ້າຫມາຍດຽວກັນຄື ສ້າງ ແລະ ກ້າວສູ່ປະຊາຄົມ ເສດຖະກິດອາຊຽນໃນປີ 2015 ໃຫ້ມີຄວາມເຂັ້ມແຂງ, ສັງຄົມມີຄວາມສະຫງົບ, ມີ ຄວາມຫມັ້ນຄົງທາງດ້ານການ ເມືອງ, ເສດຖະກິດ-ສັງຄົມ, ພາກພື້ນອາຊຽນມີສັນຕິພາບ ແລະ ສະຖຽນລະພາບຢ່າງ ແທ້ຈິງ.
ສຳລັບ ສປປ ລາວ ແມ່ນ ຈະໄດ້ສືບຕໍ່ປະຕິບັດພັນທະ ຂອງປະເທດສະມາຊິກອາ ຊຽນດ້ວຍຄວາມຮັບຜິດຊອບ ແລະ ຫ້າວຫັນ.