spot_img
Homeອຸບັດເຫດແລະປາກົດການຫຍໍ້ທໍ້ຄາດຕະກອນຂ້າຜູ້ເຖົ້າ 70 ປີຢູ່ຄໍາມ່ວນ ຖືກລົງໂທດຕາມກົດໝາຍ!

ຄາດຕະກອນຂ້າຜູ້ເຖົ້າ 70 ປີຢູ່ຄໍາມ່ວນ ຖືກລົງໂທດຕາມກົດໝາຍ!

Published on

Two boy

ທ້າວ ຫັດ ແກ້ວສຸພັນ ອາຍຸ 19 ປີ ແລະ ທ້າວ ດອນ ກອງສີດາ (ແປ້ວ) ອາຍຸ 21 ປີ ຢູ່ບ້ານນາດິນຈີ່ ເມືອງທ່າແຂກ ແຂວງຄໍາມ່ວນ ຖືກເຈົ້າໜ້າທີ່ສືບສວນ-ສອບສວນແຂວງຄໍາມ່ວນ, ນໍາຕົວໄປເຮັດແຜນປະກອບຄະດີເພື່ອສົ່ງໄອຍະການ ແລະ ສັ່ງຟ້ອງສານຕັດສີນລົງໂທດຕາມກົດໝາຍ, ພາຍຫລັງຮ່ວມກັນລົງມືຄາດຕະກໍາປຸ້ນຊັບແມ່ຕູ້ຄົນໜຶ່ງອາຍຸ 70 ປີຢູ່ບ້ານດຽວກັນແລ້ວເອົາສົບໄປຖິ້ມຢູ່ປ່າແຄມບ້ານ.

ຄະດີມີຢູ່ວ່າ: ໃນວັນທີ 19 ມິ ຖຸນາ 2015, ທ້າວ ຫັດ ໄດ້ໄປຫລິ້ນນໍາໝູ່, ເຊິ່ງເປັນຫລານຂອງແມ່ຕູ້ໜູ (ຜູ້ເສຍຊີວິດ), ໃນຂະນະນັ້ນ, ໄດ້ເຫັນແມ່ຕູ້ຈົກເງິນໃຫ້ຫລານຈຶ່ງຄິດຢາກໄດ້, ມາຮອດວັນທີ 23 ມິຖຸນາ 2015, ທ້າວ ຫັດ ໄດ້ຊວນໝູ່ຊື່ທ້າວ ດອນ ໄປປຸ້ນເອົາເງິນແມ່ຕູ້ໜູທີ່ກໍາລັງໄປຫາໜໍ່ໄມ້ຢູ່ນາໃກ້ບ້ານ, ໂດຍທ້າວ ຫັດ ໄດ້ໃຊ້ ໄມ້ຍາວປະມານໜຶ່ງແມັດຟາດບໍລິເວນງ່ອນຄໍແມ່ຕູ້ຈົນລົ້ມລົງໝົດສິຕິ, ຫລັງຈາກນັ້ນທັງສອງໄດ້ຄົ້ນເອົາເງິນ ແລະ ຊັບສິນໃນຖົງເສື້ອໄດ້ເງິນ 10

ພັນບາດ(ສະກຸນເງິນໄທ) ແລະ ສາຍຄໍຄໍາໜຶ່ງເສັ້ນໜັກໜຶ່ງບາດ, ກ່ອນຈະເອົາໄມ້ຟາດຕື່ມອີກສອງບາດຈົນເສຍຊີວິດ ແລ້ວທັງສອງໄດ້ຫາມສົບໄປຖິ້ມໄວ້ຢູ່ປ່າແຄມນາ ຫ່າງຈາກຈຸດເກີດເຫດປະມານ 70 ແມັດ, ຫລັງຈາກນັ້ນກໍເອົາເງິນແບ່ງກັນ ແລະ ມາຮອດວັນທີ 25 ກໍລະກົດ 2015 ທ້າວ ຫັດ ກໍໄດ້ໄປກໍ່ເຫດໃຊ້ມິດແທງ ນາງ ແມັມ ຢູ່ບ້ານດຽວກັນເພື່ອປຸ້ນຊັບຈົນໄດ້ຮັບບາດເຈັບສາຫັດ, ແຕ່ໂຊກດີມີປະຊາຊົນຢູ່ໃກ້ຄຽງເຂົ້າມາຊ່ວຍແຕ່ທ້າວ ຫັດ ໄດ້ເອົາຕົວຫລົບໜີ, ກ່ອນຖືກເຈົ້າໜ້າທີ່ສາມາດນໍາຈັບຕົວມາດໍາເນີນຄະດີໃນມື້ດຽວກັນ ແລະ ຈັບທ້າວ ດອນ ໃນວັນທີ 27 ກັນຍາ 2015 ມາດໍາເນີນຄະດີຕາມລະບຽບກົດໝາຍເຊັ່ນກັນ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...