ຖ້າຫາກດອກກຸຫລາບຂາດຊຶ່ງກິ່ນຫອມກໍຄົງຈະໜ້າຜິດຫວັງບໍ່ແມ່ນນ້ອຍ ແລະ ໃນຕອນນີ້ນັກວິທະຍາສາດຮູ້ແລ້ວວ່າເປັນຫຍັງກຸຫລາບບາງຊະນິດເຖິງບໍ່ມີກິ່ນຫອມຫວານ
ດອກໄມ້ທີ່ມີກິ່ນຫອມຫວານຈະສ້າງກິ່ນຫອມຂອງມັນໂດຍການໃຊ້ເຄື່ອງມືທີ່ໜ້າປະຫລາດໃຈຫລາຍ ນັ້ນກໍຄື ເອັນໄຊ ມັນຖືກເຂົ້າໄປຊ່ວຍໃນການຈັດການດີເອັນເອ ເອັນໄຊຊະນິດນີ້ຈະບໍ່ມີໃນກຸຫລາບຫລາຍໆ ຊະນິດ ແລະ ນັ້ນເບິ່ງຄືຈະອະທິບາຍໄດ້ວ່າ ເປັນຫຍັງດອກໄມ້ເຖິງບໍ່ມີກິ່ນຫອມຫວານຢ່າງທີ່ຄວນຈະເປັນ
ການສຶກສາໃໝ່ຊ່ວຍໃຫ້ນັກວິທະຍາສາດແກ້ບັນຫານີ້ໄດ້ວ່າ ເປັນຫຍັງກຸຫລາບບາງສາຍພັນທີ່ມີສີສວຍງາມ ແລະ ບານໄດ້ເປັນເວລາດົນເຖິງບໍ່ມີກິ່ນຫອມ
“ໂດຍປົກກະຕິແລ້ວ ສິ່ງທຳອິດທີ່ຄົນເຮົາຈະເຮັດເມື່ອໄດ້ຮັບກຸຫລາບມາຄື ການດົມ” Phillippe Hugueney ກ່າວ ພວກເຂົາທຳການສຶກສາທາງດ້ານເຄມີຂອງພືດທີ່ National Institute for Agricultural Research (INRA) ໃນ Colmar ປະເທດຝຣັ່ງ “ໂດຍສ່ວນໃຫຍ່ ຫາກມັນບໍ່ມີກິ່ນຫອມກໍຈະເຮັດໃຫ້ເຮົາຮູ້ສຶກຜິດຫວັງເປັນຢ່າງຫລາຍ” ພວກເຂົາກ່າວ
“ເມື່ອກຸຫລາບສົ່ງກິ່ນຫອມອອກມາ ນັ້ນມາຈາກການປ່ອຍສານເຄມີຈຳພວກທີ່ປະສົມກັນອອກມາ” ຊຶ່ງພວກເຮົາເອີ້ນວ່າ monoterpenes ສານເຄມີເຫລົ່ານີ້ສາມາດພົບເຫັນໄດ້ໃນພືດທີ່ມີກິ່ນອີກເປັນຈຳນວນຫລາຍ
monoterpenes ມາໃນຫລາຍຮູບແບບ ແລະ ຫລາຍກິ່ນ ແຕ່ທັງໝົດນັ້ນເຕັມໄປດ້ວຍ 10 ອະຕອມຂອງທາດກຸ່ມຄາຣ໌ບອນ ໃນດອກກຸຫລາບສານເຄມີເຫລົ່ານີ້ຈະຢູ່ໃນສ່ວນຂອງດອກ ແຕ່ຍັງບໍ່ມີໃຜຮູ້ວ່າກຸຫລາບນັ້ນສ້າງຫລືສູນເສຍກິ່ນຂອງມັນໄປໄດ້ຢ່າງໃດ?
ພືດຊະນິດອື່ນໆ ບ່ອນເຮັດວຽກຜະລິດສານເຄມີທີ່ມີກິ່ນຫອມນັ້ນຈະໃຊ້ສານເຄມີທີ່ພິເສດຊຶ່ງເອີ້ນວ່າວ່າ ເອັນໄຊ ໂມເລກຸນເຫລົ່ານີ້ຈະຊ່ວຍເລັ່ງປະຕິກິລິຢາທາງເຄມີໂດຍປາສະຈາກປະຕິກິລິຍາຮ່ວມໃດໆ ໃຫ້ພວກມັນ ໃນດອກໄມ້ເອັນໄຊເຫລົ່ານີ້ມີແນວໂນ້ມທີ່ຈະກໍ່ການຕັດແບ່ງ monoterpene ທີ່ບໍ່ມີກິ່ນອອກເປັນສອງສ່ວນເພື່ອເຮັດໃຫ້ເກີດສ່ວນທີ່ມີກິ່ນຂຶ້ນມາ
ແຕ່ເມື່ອທີມວິໄຈຂອງ Hugueney ທຳການປຽບທຽບດອກກຸຫລາບທີ່ບໍ່ມີກິ່ນ ແລະ ມີກິ່ນນັ້ນ ພວກເຂົາຄົ້ນພົບການເຮັດວຽກທີ່ແຕກຕ່າງກັນຂອງເອັນໄຊທີ່ເອີ້ນວ່າ RhNUDX1 ມັນຈະເຮັດວຽກໃນດອກກຸຫລາບທີ່ມີກິ່ນຫອມຫວານແຕ່ຈະຢຸດການເຮັດວຽກຢ່າງໜ້າສົງໄສໃນດອກໄມ້ທີ່ບໍ່ມີກິ່ນ ນັກວິທະຍາສາດໄດ້ແບ່ງປັນການຄົ້ນພົບຂອງພວກເຂົາໃນວາລະສານທາງວິຊາການລະດັບນານາຊາດ Science
RhNUDX1 ເໝືອນກັບເອັນໄຊໃນເຊື້ອແບັກທີເຣຍທີ່ກຳຈັດສານທີ່ມີພິດອອກຈາກດີເອັນເອໄດ້ ແຕ່ໃນກຸຫລາບເອັນໄຊຈະທຳການຕັດຊິ້ນສ່ວນຂອງ monoterpene ທີ່ບໍ່ມີກິ່ນໃຫ້ມີກິ່ນ ເອັນໄຊອື່ນໆ ໃນກີບຂອງດອກກຸຫລາບຈະຢຸດການເຮັດວຽກໂດຍການຕັດຊິ້ນສ່ວນສຸດທ້າຍໄປ
“ການຄົ້ນພົບເທື່ອນີ້ເຮັດໃຫ້ນັກວິທະຍາສາດຮູ້ສຶກສົງໄສວ່າ ເປັນຫຍັງກຸຫລາບໃຊ້ວິທີການທີ່ບໍ່ປົກກະຕິໃນການສ້າງກິ່ນ” Dorothea Tholl ກ່າວ ນາງເປັນນັກເຄມີທາງດ້ານພືດທີ່ Virginia Tech ໃນ Blacksburg “ຊຶ່ງມັນອາດຈະເປັນເພາະວ່າ RhNUDX1 ນັ້ນມີປະສິດທິພາບສູງຫລາຍກວ່າເອັນໄຊຕົວອື່ນໆ” ນາງກ່າວ
Hugueney ຫວັງວ່າ ການຄົ້ນພົບຂອງທີມວິໄຈພວກເຂົາຊ່ວຍໃຫ້ດອກກຸຫລາບໃນອະນາຄົດນັ້ນຫລາຍພ້ອມໄປດ້ວຍກິ່ນຢູ່ສະເໝີ