ພຽງ 8 ເດືອນປີນີ້ ນັກທ່ອງທ່ຽວແຫ່ເຂົ້າຊົມຜາສາດຫີນນະຄອນວັດ 1.4 ລ້ານຄົນແລ້ວ!

CAMBODIA-TOURISM-ANGKOR WAT

ສຳນັກຂ່າວຕ່າງປະເທດ ລາຍງານໃນວັນທີ 4 ກັນຍາຜ່ານມານີ້ວ່າ ໃນໄລຍະ 8 ເດືອນທຳອິດຂອງປີນີ້ ນັກທ່ອງທ່ຽວຕ່າງປະເທດເດີນທາງເຂົ້າທ່ຽວຊົມນະຄອນວັດຂອງກຳປູເຈຍ 1.4 ລ້ານຄົນ ເພີ່ມຂຶ້ນ 2% ເມື່ອທຽບກັບໄລຍະດຽວກັນຂອງປີກາຍ ເຮັດໃຫ້ລັດຖະບານມີລາຍຮັບຈາກການຈຳໜ່າຍປີ້ເຂົ້າຊົມທັງໝົດ 39.8 ລ້ານໂດລາສະຫະລັດ ອັນເປັນລາຍຮັບທີ່ເພີ່ມຂຶ້ນ 0.03% ເມື່ອທຽບກັບໄລຍະດຽວກັນຂອງປີ 2014.