ປະຈຸບັນມືຖືແບຣນສມາລໂຟນເປັນສິ່ງທີ່ຈຳເປັນໃນການດຳເນີນຊີວິດຊຶ່ງຫລາຍຄົນເກີດອາການຕິດໂທລະສັບຫລາຍເກີນໄປຈົນເປັນອາການໃໝ່ທີ່ນັກວິຊາການດ້ານສຸຂະພາບຈິດທີ່ເອີ້ນວ່າ “ໂນໂມໂຟເບຍ”
ຊຶ່ງມີອາການເລີ່ມດັ່ງນີ້
1.ຕື່ນມາຄວ້າໂທລະສັບ,2.ພົກໂທລະສັບເຂົ້າຫ້ອງນ້ຳ,3.ໂທລະສັບຕ້ອງໃກ້ໂຕສະເໝີ, 4.ລົດຕິດຈັບໂທລະສັບ,5.ວ່າງເມື່ອໃດຈັບໂທລະມາຫລິ້ນ,6.ຫລັບໄປພ້ອມກັນ,7.ມອງໂທລະສັບເລື້ອຍໆ,8.ແບດເຕີລີເຕັມສະເໝີ,9.ຂາດແລ້ວກະວົນກະວາຍ,10.ເມື່ອລືມໂທລະສັບຕ້ອງຮີບກັບໄປເອົາ
ຈະເຫັນໄດ້ວ່າຫລາຍຄົນເລີ່ມມີອາການ“ໂນໂມໂຟເບຍ”(nomophobia) ຫລື ພະຍາດຢ້ານການບໍ່ມີໂທລະສັບໃຊ້ວຽກກຳລັງພົບຫລາຍໃນປະຈຸບັນຊຶ່ງຄົົນທີ່ເປັນຈະຮູ້ສຶກກັງວົນໃຈຫລືເຖິງຂັ້ນກະວົນກະວາຍເມື່ອໂທລະສັບແບດເຕີລີໝົດຫລືບໍ່ມີສັນຍານການປ່ອຍຕົນເອງໃຫ້ມີອາການໂນໂມໂຟເບຍໄປເລື່ອຍໆຈະສົ່ງຜົນກະທົບ3 ຢ່າງນຳກັນຄື
1.ທາງຈິດໃຈທີ່ລົບກວນການການຮຽນແລະການເຮັດວຽກງານບໍ່ມີສະມາທິເພາະມົວແຕ່ຈົດຈໍ່ກັບໂທລະສັບຫລືຫງຸດຫງິດເມື່ອບໍ່ໄດ້ລວມເຖິງການຫລັບໄປພ້ອມໂຊສັບມືຖືທີ່ສະຫມອງຍັງຄົງຈົດຈໍ່ຂ່າວສານທີ່ໄດ້ຮັບເຮັດໃຫ້ຂ່າວສານໄຫລເຂົ້າຕົນເອງຕະຫລອດເວລາຈົນເກີດຄວາມລ້າຂອງສະຫມອງ
2.ທາງຮ່າງກາຍເຊັ່ນ:ທາງສາຍຕາ ໂດຍສະເພາະການໃຊ້ໂທລະສັບໃນບ່ອນທີ່ມີແສງນ້ອຍຊຶ່ງຈະເປັນອັນຕະລາຍຕໍ່ດວງຕາຫລືການໃຊ້ໂທລະສັບໃນທ່າເກົ່າດົນໆກໍຈະມີຜົນຕໍ່ລະບົບກ້າມຊີ້ນ
3.ທາງສັງຄົມບາງເທື່ອການຕິດຢູ່ກັບໂລກໂຊຊຽວຈົນລະເລີຍທີ່ຈະປະຕິສຳພັນກັບຄົນຮອບຂ້າງ
ສ່ວນພະຍາດທີ່ພົບເລື້ອຍໆໃນກຸ່ມຜູ້ຕິດໂທລະສັບທີຢູ່5ພະຍາດຄືນິ້ວລັອກ,ອາການທາງສາຍຕາ,ປວດເມື່ອຍຄໍ,ບ່າ,ໄຫລ່ ໝອນຮອງກະດູກເສື່ອມກ່ອນໄວອັນຄວນແລະພະຍາດຕຸ້ຍ