ດ້ວຍເທກໂນໂລຍີທີ່ກ້າວໜ້າຂຶ້ນທຸກມື້ ທາງດ້ານເຄື່ອງພິມ 3 ມິຕິກໍມີຄວາມສາມາດທີ່ສຸດລ້ຳເພີ່ມຫລາຍຂຶ້ນເຊັ່ນກັນ
ຫຼ້າສຸດດ້ວຍຄວາມຮ່ວມມືກັນພັດທະນາຂອງກຸບ MIT’s Glass Lab ແລະ Mediated Matter group ໄດ້ສ້າງ ເຄື່ອງ G3DP (Glass 3D Printer) ເຄື່ອງພິມ 3 ມິຕິ ທີ່ສາມາດສ້າງຮູບແບບຂອງວັດຖຸທີ່ເປັນແກ້ວໄດ້ ຕາມຮູບຊົງແບບທີ່ຕ້ອງການໄດ້ຢ່າງວ່ອງໄວແລະງ່າຍດາຍ
ສ່ວນຫລັກການເຮັດວຽກງານເບື້ອງຕົ້ນຂອງເຄື່ອງພິມ G3DP ນີ້ ໃນການພິມຈະມີເຖິງສອງຫົວພົ່ນນຳກັນ ໂດຍທີ່ຫົວພົ່ນທຳອິດເຮັດຫນ້າທີ່ເປັນຕົວສ້າງຄວາມຮ້ອນເຖິງ 1900 ອົງສາ ໃນການລະລາຍສານການສ້າງວັດຖຸແກ້ວຂຶ້ນມາຢ່າງ ສານ alumina-silica ແລະອີກຫົວພົ່ນທີ່ໃຊ້ເຮັດຄວາມເຢັນເພື່ອຕໍ່ຕ້ານການບີບເຄ້ນພາຍໃນຂອງສານພາຍໃນ ພ້ອມທັງໃຊ້ລະບົບໂປຣແກຣມຄວບຄຸມໃຫ້ເຄື່ອງພິມສ້າງຮູບແບບອອກມາຕາມທີ່ກຳໜົດໄດ້ຢ່າງສວຍງາມຕາມທີ່ອອກແບບໄວ້
ນອກຈາກນີ້ແລ້ວຈະມີການນຳຊິ້ນງານຕ່າງໆ ທີ່ຖືກສ້າງຂຶ້ນດ້ວຍເຄື່ອງພິມ G3DP ນີ້ ມາສະແດງໃນງານເທດສະການ ທີ່ຈັດຂຶ້ນທີ່ພິພິດຕະພັນ Cooper Hewitt, Smithsonian Design Museum ໃນປີ 2016 ນີ້ອີກດ້ວຍ
ລອງມາເບີ່ງພາບການເຮັດວຽກ ແລະຮູບແບບການສ້າງແກ້ວໃນລັກສະນະຕ່າງໆ ຂອງເຄື່ອງ G3DP ນີ້ ກັນກ່ອນໄດ້ເລີຍ
