ຣີວິວ Samsung GALAXY Note5
ເມື່ອເວົ້າເຖິງ ໂທລະສັບ ທີ່ສາມາດຂີດຂຽນ, ແຕ້ມ ແລະ ຈົດບັນທຶກໄດ້. Samsung Galaxy ຕະກຸນ Note ເປັນຄຳຕອບດຽວທີ່ຕ້ອງເຂົ້າມາໃນຫົວຂອງໃຜຫຼາຍໆຄົນຢ່າງແນ່ນອນ ເພາະວ່ານອກຈາກຈະເປັນ Smartphone ທີ່ໃຊ້ງານໄດ້ຫຼາກຫຼາຍແລ້ວ ມັນຍັງສາມາດເປັນສິ່ງທີ່ເຮົາສາມາດ ຈົດບັນທຶກສິ່ງຕ່າງໆ ແລະ ສ້າງສັນງານສິນລະປະໄດ້ສະດວກ ແລະ ງ່າຍດາຍ ດ້ວຍ ບິກພິເສດ ທີ່ເປັນເອກະລັກສະເພາະ ນັ້ນກໍ່ຄື S Pen ນັ້ນເອງ. ເຊິ່ງນັບແຕ່ ໂນ໊ດ ລຸ້ນທຳອິດ ຈົນມາເຖິງ ໂນ໊ດ 4 ເຊິ່ງແຕ່ລະລຸ້ນທີ່ອອກມາກໍ່ມີການປ່ຽນແປ່ງ ແລະ ປັບປຸ່ງ ໃຫ້ມີຄວາມສາມາດທີ່ເພີ່ມຂຶ້ນ ດັ່ງນັ້ນມັນຈຶ່ງໄດ້ຮັບຄວາມນິຍົມ ແລະ ເປັນສິ່ງທີ່ຕອບໂຈດການໃຊ້ງານໄດ້ເປັນຢ່າງດີ
ແລະ ລ່າສຸດທາງຊຳຊຸງ ກໍ່ໄດ້ເປີດໂຕ Galaxy Note 5 ເຊິ່ງມີການປັບປ່ຽນການອອກແບບຫຼາຍຢ່າງ ບໍ່ວ່າຈະເປັນ ຮູບຮ່າງ ວັດສະດຸ ຝາຫຼັງ ເຮັດໃຫ້ມິຄວາມຫຼູຫຼາ ມີລະດັບ ເຊິ່ງຕອນນີ້ ກໍ່ໄດ້ມາຮອດມືຂອງທິມງານ Mobiletalk.tv ແລ້ວ ຖືວ່າເປັນເວັບທຳອິດຂອງລາວທີ່ໄດ້ມາຣີວີວກໍ່ວ່າໄດ້…. ເອົາເປັນວ່າຈະເປັນຈັງໄດ້ນັ້ນ ມາເລີ່ມຣີວີວກັນເລີຍ…
ດ້ານຮູບຊົງ
ພາຍນອກ
Samsung Galaxy Note5 ມາພ້ອມກັບໜ້າຈໍ 5.7 ນິ້ວ QHD ແບບ Super AMOLED ໃຫ້ສີສັນສົດໃສ, ພ້ອມກັບ Body ທີ່ເຮັດມາຈາກ ໂລຫະ ເຮັດໃຫ້ເບີ່ງແລ້ວຫຼູຫຼາມີລະດັບ ເຊິ່ງເຄື່ອງທີ່ໄດ້ມາຣີວີວໃນມື້ນີ້ ແມ່ນ ສີທອງ 32 GB
ເຊິ່ງເພີ່ນໃຫ້ມາກໍ່ມີພຽງແຕ່ ເຄື່ອງ ພ້ອມກັບ ອັນສາກໄຮ້ສາຍ ແຕ່ບໍ່ມີສາຍສາກ ແລະແນ່ນອນໄດ້ຊອກຫາສາຍມາສາກເອງ 555555 (ປລ. ອັນສາກໄຮ້ສາຍແມ່ນຕ້ອງໄດ້ຊື້ຕ່າງຫາກເດີ້ພີ້ນ້ອງ ຂາຍແທ້ບໍ່ມີໃຫ້ເດີ້ ມີພຽງແຕ່ອັນສາກທົ່ວໄປ ແຕ່ກະເປັນ Fast charge ) ເລີຍບໍ່ໄດ້ຣີວີວແບບແກະກ່ອງຊ້ຳ >.<
ເມື່ອທາງຂ້າງ ຈະເຫັນວ່າທາງຫຼັງຈະໂຄ້ງ ເຊິ່ງໄດ້ອອກແບບໃຫ້ຄືກັບໜ້າຈໍຂອງ S6 edge ທີ່ໂຄ້ງທາງໜ້າ ແຕ່ອັນນີ້ເຮັດໂຄ້ງທາງຫຼັງເຮັດໃຫ້ ຈັບໄດ້ຖະໜັດມື ເຖິ່ງແມ່ນວ່າຈະມີຂະໜາດບາງກໍ່ຕາມ, ທາງຂ້າງເບື້ອງຊ້າຍຈະມີພຽງແຕ່ປຸ່ມເປີດປິດ
ສ່ວນເບື້ອງຂວາກໍ່ຈະມີ ປຸ່ມ ເພີ່ມ ແລະ ຫຼຸດສຽງ
ທາງເທິງສຸດໃນຮູບ ຮູ້ນ້ອຍໆເບື້ອງຊ້າຍແມ່ນ ໄມໂຄຣໂຟນຕົວທີ2 ເຊິ່ງເອົາໄວ້ຕັດສຽງລົບກວນຈາກພາຍນອກ ເຮັດໃຫ້ສຽງໃນເວລາສົນທະນາ ມີຄວາມແຈ້ງຂຶ້ນ ແລະ ຍັງເປັນໄມສຳລັບອັດສຽງໃນເວລາຖ່າຍວິດີໂອ ສ່ວນເບື້ອງຂວາຈະເປັນບ່ອນໃສ່ຊິມ ເຊິ່ງໃຊ້ນາໂນຊິມ
ດ້ານໜ້າ ຍັບຂຶ້ນມາທາງເທິງກໍ່ຈະມີ ໄຟແຈ້ງສະຖານະ, ເຊັນເຊີຕ່າງໆ, ລຳໂພງ ແລະ ກ້ອງໜ້າຄວາມລະອຽດ 5ລ້ານພິກເຊວ.
ສ້ວນທາງລຸ່ມກໍ່ຈະເປັນພາກສ່ວນຂອງເມນູເຊິ່ງກະຄ້າຍຄືກັບຕະກູນ ກາແລັກຊີ ນັ້ນກໍ່ຄື ມີປຸ່ມແບບ Soft key 2ອັນ ແລະ ປຸ່ມ Home ທີ່ເປັນແບບ Hard Key ເຊິ່ງມາພ້ອມດ້ວຍຄວາມສາມາດໃນການສະແກນລາຍນີ້ວມືໄດ້ (ໜ້າຈໍເຕັມໄປດ້ວຍຮ້ອຍນີ້ວມີ 555555 )
ທາງດ້ານຫຼັງກໍ່ໄດ້ປ່ຽນຈາກຝາຫຼັງທີ່ເປັຍຢາງໃນໂນດ 4 ມາເປັນໂລຫະທີ່ເງົາງາມ ພ້ອມກັບກ້ອງທີ່ມີຄວາມລະອຽດ 16ລ້ານພິກເຊວ ທາງຂ້າງກະແມ່ນໄຟແຟັດ ແລະ ເຊັນເຊີ ທີ່ເຮັດໃຫ້ການຖ່າຍພາບມີຄວາມງົດງາມອີກ
ທາງລຸ່ມສຸດກໍ່ຈະມີ ຮູສຽງຫູຟັງ 3.5 min ຮູ mini USB 2.0 ລຳໂພງ, ໄມ ແລະ ບ່ອນໄວ້ S Pen
ໃນໂນດ 5 ໄດ້ມີການປ່ຽນວິທີໃນການດືງເອົາບິກມາໃຊ້ແບບໃໝ່ຄື ການກົດລົງໄປໃນບິກ ແລ້ວມັນຈະເດັ້ງອອກມາເອງ ເຊິ່ງສະດວກຫຼາຍ ເພາະໃນໂນດ 4 ຕ້ອງໄດ້ໃຊ້ແລັບເກະເອົາ
ສະເປັກ
ດ້ານສະເປັກກໍ່ຈັດມາໃຫ້ແບບເຕັມທີ່ດັ່ງນີ້
- ໂຕເຄື່ອງ ມີໜ້າຈໍຄວາມລະອຽດQHD7 ນີ້ວ, ໃຊ້ຈໍແບບ Super AMOLED ທີ່ໃຫ້ສີສັນສົດໃສ ພ້ອມກັບ Corning Gorilla Glass 4 ທີ່ປົກປ້ອງຈໍຈາກການຂູດຂີດ
- ຊີພີຢູ Exynos 7420 8 ແກນ ເຊິ່ງແບ່ງເປັນສອງໂຕ ໂຕລະ 4ແກນຄື Quad-core 1.5 GHz Cortex-A53 ແລະ Quad-core 2.1 GHz Cortex-A57 64 ບິດ
- ລະບົບ ແອນດຣອຍ 5.1.1 android lollipop
- ແຣມ 4 ກິກ
- ກ້ອງ ຫຼັ້ງ 16 ລ້ານພິກເຊວ ພ້ອມລະບົບ ກັນສັ່ນ OIS (optical image stabilization), ກ້ອງໜ້າ 5 ລ້ານພິກເຊວ
- ຄວາມຈຸມີສອງຂະໜາດ ຄື 32 ແລະ 64 ກິກ (ເພີ່ມບໍ່ໄດ້)
- ຮອງຮັບ 3ຈີ 4ຈີ
- ຮອງຮັບ Wi-Fi 802.11 a/b/g/n/ac, dual-band, Wi-Fi Direct, hotspot
- ຮອງຮັບ Bluetooth V4.2, GPS ແລະ NFC
- ໃຊ້ Nano Sim
- ມີລະບົບ Fast Charging ແລະ ສາມາດສາກແບບໄຮ້ສາຍ Wiress Charging (ອຸປະກອນເສີມ)
- ແບັດເຕີລີ ຂະໜາດ 3000 mAh ຖອດປ່ຽນບໍ່ໄດ້
ການໃຊ້ງານທົ່ວໄປ
ຫຼັງຈາກທີ່ໃຊ້ງານມາໄດ້ຫຼາຍມື້ ຮູ້ສຶກວ່າການຫຼີ້ນໝື່ນໄຫຼດີ(ສ່ວນຫຼາຍໃຊ້ເຂົ້າແອັບພວກ Social ກັບ Chat ແລະ ຖ່າຍຮູບເປັນສ່ວນຫຼາຍ ບໍ່ໄດ້ຫຼີ້ນເກມ). ເຄື່ອງທີ່ໄດ້ມາຣີວີວ ແມ່ນ ເວີຊັນ 32 ກິກ ເຊິ່ງລະບົບເອົາໄປແລ້ວ 7 ກິກ ເຫຼືອໃຊ້ງານແທ້ປະມານ 23 ກິກ ຖ້າໃຊ້ ທຳມະດາ ບໍ່ມັກຖ່າຍຮູບ ຫຼື ເບີ່ງໜັງ ກະຄືຊິພໍໃຊ້ຢູ່ (ແຕ່ອັນນີ້ຄືຊິບໍ່ພໍ 
), ແຣມ 4 ກິກ ເຫຼືອໃຊ້ງານແທ້ ກະປະມານ 2 ກິກ, ພຽງພໍ່ຕໍ່ການໃຊ້ແອັບ ຫຼື ຫຼີ້ນເກມໄດ້ສະບາຍ. ເຂົ້າແອັບກະໄວພໍສົມຄວນ,ບໍ່ມີອາການຄ້າງໃດໆ, ເວລາສຳຜັດກະຮູ້ສຶກຕິດມືດີ (ແຕະປຸບໄປປັບ). ໂດຍລວມແລ້ວຖືວ່າໄວທັນໃຈ ໃຊ້ຄັກ
ການຖ່າຍຮູບ
Galaxy Note 5 ມາພ້ອມກັບກ້ອງຫຼັງ 16 ລ້ານພິກເຊວ ຖ່າຍວິດີໂອໄດ້ ລະດັບ 4K ພ້ອມກັບລະບົບກັ່ນສັ່ນ ຫຼື OIS (optical image stabilization). ຫຼັງຈາກທີ່ໃຊ້ງານກໍ່ຮູ້ສຶກວ່າ ພາບອອກມາງາມດີ ຖ່າຍບ່ອນມືດໄດ້ດີ(ແຕ່ບາງເທືອກະມີNoiseໜ້ອຍໜຶ່ງ) ການຖ່າຍພາບ ຈັບໂຟກັດໄດ້ໄວ ກົດຖ່າຍປຸບ ຕິດປັບ, ຍ້ອນມີລະບົບກັນສັ່ນ ຈຶ່ງເຮັດໃຫ້ເວລາຖ່າຍວິດີໂອ ເວລາເບີ່ງກະບໍ່ມີການສັ່ນເລີຍ ຂະຫນາດຈັບໂທລະສັບໃຫ້ມັນສັ່ນໆເວລາຖ່າຍ ພາບອອກມາກະບໍ່ມີການສັ່ນເລີຍ. ສ່ວນກ້ອງໜ້າກໍ່ລະດັບ 5 ລ້ານພິກເຊວ ມາພ້ອມກັບຟີເຈີ ທີ່ມີໃນ S6 ກໍ່ຄື ການຖ່າຍຮູບດ້ວຍການໃຊ້ສ່ຽງ ເຊັ່ນ ເວລາເວົ້າ Capture, Smile, ຊີດສ… ມັນຈະກົດຖ່າຍໃຫ້ເລີຍ ບໍ່ຈຳເປັນຕ້ອງໄປກົດປຸ່ມຊັດເຕີ້ໃຫ້ເສີຍເວລາ ມີແຕ່ເຮັດໜ້າງາມໆຖ້າໄວ້ເລີຍ ເຊິ່ງກະສະດວກພໍສົມຄວນ, ແລະ ອີກຟີເຈີໜຶ່ງຄືຈະຖືກໃຈບັນດາສາວໆ ນັ້ນກໍ່ຄື Beauty ທຳອິດທີ່ຖ່າຍ ຈົນຕົກໃຈ ເນື່ອງຈາກມັນປັບ ທັງຕາໃຫ້ໃຫຍ່ ຫນ້າໃຫ້ນ້ອຍ ຄາງໃຫ້ແຫຼມ ຜິວໃຫ້ຂາວໃສ ແບບວ່າຄົບສຸດເລີຍ ແຕ່ຖ້າບໍ່ມັກກໍ່ສາມາດປັບປ່ຽນໄດ້ຕາມໃຈມັກ
ນີ້ຄືຮູບຕົວຢ່າງທີ່ຖ່າຍຈາກກ້ອງຫຼັງ ໃນໂໝດທຳມະດາ Auto focus ຂະໜາດດັ່ງເດີມ
ເບີ່ງໄປແລ້ວຄືມີແສງອໍຣາ ແບບຝຸ້ງຝິ້ງເລີຍ ^^ ໃນໄລຍະນີ້ບໍ່ຄ່ອຍໄດ້ໄປນອກປານໃດ ເລີຍບໍ່ໄດ້ຮູບຫຼາຍ >.<
ການຈົດ
ເມື່ອຄິດເຖິງ Galaxy Note ແນ່ນອນກໍ່ຕ້ອງຄິດເຖິງການຈົດການແຕ້ມ ແລະມາໃນ Note 5 ນີ້ກໍ່ໄດ້ມີການພັດທະນາ ບິກ S pen ໃຫ້ດີກວ່າໂຕເກົ່າ ເຊິ່ງມີຄວາມໄວ ໃນການຕອບສະໜອງ ໄວກວ່າ S pen Note 4 ຕັ້ງ 20 ms ເຮັດໃຫ້ການຕອບສະໜອງເວລາເຮົາຂຽນໄວຂຶ້ນ , ຈາກການລອງໃຊ້ຂຽນ ຮູ້ສຶກວ່າຄືກັນກັບຂຽນໂດຍໃຊ້ ບິກແທ້ເລີຍ ການກົດຄ່ອຍ ຫຼື ແຮງ ເສັ້ນກໍ່ຈະຂຶ້ນຕາມຄວາມແຮງທີ່ເຮົາກົດ ແລະ ຟີເຈີໃຫມ່ຂອງ Note 5 ໃນດ້ານການຂຽນນັນກໍ່ຄື screen off memo ເຊິ່ງສາມາດຈົດໄດ້ໂດຍບໍ່ຕ້ອງປົດລ໊ອກເຄື່ອງ ພຽງແຕ່ກົດບິກອອກມາ ກໍ່ສາມາດຂຽນ ແລະ ບັນທຶກໄດ້ເລີຍ ສະດວກຟຸດໆ ^^
ເຖິງໜ້າຈໍຈະລ໊ອກແຕ່ກະສາມາດຈົດບັນທຶກໄດ້ ພຽງແຕ່ຖອດບິກອອກມາ ແລະ ທີ່ເປັນສິ່ງທີ່ກຳລັງໂດ່ງດັງໃນວົງການ ນັ້ນກໍ່ຄື ເວລາເຮົາສຽບບິກ ຖ້າເອົາທາງກົ້ນສຽບເຂົ້າ ຈະເຮັດໃຫ້ເຊັນເຊີຂອງ ບິກນັ້ນບໍ່ເຮັດວຽກ ເຊິ່ງມີວິທີແກ້ວິທີດຽວຄື ຕ້ອງເອົາເຂົ້າສູນແປງ. ຕໍ່ກັບບັນຫາດັງກ່າວນີ້ ຜູ້ຣີວີວເອງບໍ່ຂໍທົດລອງເນາະ ( ເພາະຢ້ານບໍ່ມີເງີນໃຊ້ ມັນແພງ ) ແຕ່ກະລອງເອົາທາງກົ້ນແຍ່ຢູ່ແຖ້ວໆປາກຮຸ (ບໍ່ກ້າແຍ່ຫຼາຍດຽວເຂົ້າເລິກ) ພົບວ່າເຂົ້າໄດ້ງ່າຍໆ ແບບວ່າຖ້າເວລາເຮົາໃຊ້ແລ້ວຟ້າວສຽບບິກທາງກົ້ນເຂົ້າໄປແບບບໍ່ຕັ້ງໃຈນິ ຈົບເລີຍ……
ແບັດເຕິຣີ
ດ້ານແບັດເຕີຣີເທົ່າທີ່ໃຊ້ (ແຊັດ, ຫຼີ້ນເຟດບຸກ, ເບີ່ງຢູທູບໜ້ອຍໜຶ່ງ) ຕໍ່ໄວໄຟ ໝົດມື້ ແບັດ 100 ເປີເຊັນ ໃຊ້ຕັ້ງແຕ່ 6ໂມງເຊົາ ຈັນຮອດ 11 ໂມງກາງຄືນ ແມ່ນຍັງເຫຼືອປະມານ 10 ເປີເຊັນ ກະຖືວ່າດີພໍສົມຄວນ
ຈຸດດີ
- ວັດສະດຸເປັນອະລູມິນຽມ ຈັບແລ້ວຮູ້ສຶກຫຼູຫຼາມີລະດັບ, ມີການອອກແບບທີ່ແປກໃຫມ່
- ຈໍໃຫຍ່, ບາງ ແຕ່ຈັບຖະໜັດມື ບໍ່ຮູ້ສຶກເລີຍວ່າມັນບາງ
- ກ້ອງຈັບໂຟກັດໄວ, ກ້ອງໜ້າ ສາມາດສັ່ງງານດ້ວຍສຽງຄື S6 ເຊິ່ງສະດວກ ແລະ ອິນເທຣນ
- ຈັບສັນຍານຕ່າງໆໄດ້ໄວດີ
- ການໃຊ້ບິກ S Pen ຂຽນ ແລະ ຈົດ ຮູ້ສຶກຄືກັບ ຈັບບິກແທ້, ຕອບສະໜອງເວລາເຮົາຂຽນໄດ້ດີ
ຈຸດອ່ອນ
- ທາງຫຼັງບ່ອນທີ່ມີຂອບເລນກ້ອງນູນອອກມາ ເວລາເອົາມາໄວ້ບ່ອນໂຕະຕ້ອງໄດ້ລະວັງຢ່າວາງແຮງ ເພາະຂອບເລນກ້ອງທີ່ນູນອອກມາອາດຈະກະທົບກັບໂຕະແລະເຮັດໃຫ້ສີອອກ ຫຼື ອາດເຮັດໃຫ້ເລນເກີດຄວາມເສຍຫາຍໄດ້…
- ບໍ່ສາມາດເພີ່ມໜ່ວຍຄວາມຈຳຕື່ມໄດ້ສະນັ້ນເວລາຊື້ຈຶ່ງຕ້ອງໄດ້ຄິດຫຼາຍພໍສົມຄວນ ວ່າຈະເລືອກຄວາມຈຳທໍ່ໃດ
ສະຫຼຸບ
ຖ້າທ່ານກຳລັງຊອກຫາ Smartphone ທີ່ຈໍໃຫຍ່ ແຕ່ຈັບຖະໜັດມື ສາມາດຈົດໄດ້ຢ່າງວ່ອງໄວ, ມີຟີເຈີທີ່ຫຼາກຫຼາຍ ແລະ ມັກຄວາມຫຼູຫຼາມີລະດັບ Galaxy Note5 ຄືຄຳຕອບສຳລັບທ່ານ ຈົບການຣີວີວພຽງທໍ່ນີ້ ພົບກັນໃໝ່ໂອກາດໜ້າ ສະບາຍດີ
ຂອບໃຈຂໍ້ມູນຈາກ Mobile Talk TV
