ເຟສບຸກເພີ່ມຟັງຊັ່ນແຕ່ງຮູບພາບກ່ອນໂພສຕ໌ໃຫ້ໃຊ້ງານໄດ້ເທິງເວັບແລ້ວ ເລືອກໃສ່ຟິນເຕີລ໌, ໃສ່ສະຕິກເກີໄດ້ຄືກັບກັບ iOS ແລະ Android
ເມື່ອວັນທີ່ 28 ສິງຫາ ເຟສບຸກໄດ້ເລີ່ມປ່ອຍຟັງຊັ່ນແຕ່ງພາບກ່ອນໂພສຕ໌ໃຫ້ໃຊ້ງານໄດ້ເທິງເວັບໄຊຕ໌ facebook.com ແລ້ວ ຫລັງຈາກທີ່ມີໃຫ້ໃຊ້ງານໄດ້ເທິງແອບ ເທິງ iOS ແລະ Android ມາຕັ້ງແຕ່ໄລຍະຕົ້ນປີທີ່ຜ່ານມາ ໂດຍຟັງຊັ່ນຫລັກໆ ຈະຄ້າຍກັບເທິງແອບ ກໍຄື ສາມາດເລືອກໃສ່ຟິນເຕີ, ໃສ່ສະຕິກເກີ, ໃສ່ຕົວຫນັງສື ຫລືຄອບຮູບພາບໄດ້ ຊຶ່ງສະຕິກເກີທຸກແບບທີ່ມີໃຫ້ເລືອກໃຊ້ຕົກແຕ່ງໄດ້ເທິງແອບ ກໍຈະມີມາໃຫ້ເລືອກໃຊ້ໄດ້ເທິງເວັບຄືກັນທັງໝົດ
ທັງນີ້ທາງເຟສບຸກກຳລັງປ່ອຍອັບເດດຟັງຊັ່ນດັ່ງກ່າວໃຫ້ກັບຜູ້ໃຊ້ແຕ່ລະຄົນ ສຳລັບທ່ານໃດທີ່ສາມາດໃຊ້ງານໄດ້ແລ້ວຈະປາກົດໄອຄອນຮູບຢູ່ເທິງຮູບພາບທີ່ອັບໂຫລດກ່ອນໂພສຕ໌ ສາມາດຄລິກເພື່ອຕົກແຕ່ງຮູບພາບໄດ້ທັນທີ
