ຂປລ.ຕາມຂ່າວຕ່າງປະເທດ, ເມື່ອບໍ່ດົນມານີ້ ອິນໂດເນເຊຍ ເລັ່ງແກ້ໄຂ ບັນຫາ ໝອກຄວັນໄຟປ່າ ໂດຍນຳ ເອົາເຮືອບິນ ບິນຂຶ້ນໄປຖອກນ້ຳ ແລະ ສານເຄມີ ເພື່ອຫລຸດຜ່ອນ ຜົນກະທົບ ຫລັງຈາກ ປະກາດ ປິດໂຮງຮຽນ ອະນຸບານ ແລະ ປະຖົມສຶກສາ ຫລາຍແຫ່ງ ເທິງເກາະສຸມາຕຣາ ຍ້ອນໝອກຄວັນ ໄຟປ່າປົກຄຸມພື້ນທີ່ ຈົນສົ່ງຜົນກະທົບຕໍ່ ຄຸນນະພາບ ອາກາດ ແລະ ລະບົບຫາຍໃຈ ຂອງປະຊາ ຊົນ.ຂະນະທີ່ ແຂວງຈຳບີ ທາງພາກກາງ ຂອງເກາະສຸມາຕຣາ ໄດ້ຍົກລະດັບ ແລະ ສະພາວະແຫ້ງແລ້ງ ເນື່ອງຈາກ ມີໝອກຄັວນ ປົກຄຸມໜາ ຈົນກະທົບຕໍ່ຖ້ຽວບິນ ທັງຂາເຂົ້າ-ອອກ ແລະ ອາດສົ່ງຜົນ ກະທົບຕໍ່ ການຜະລິດກະສິກຳ ປະມານ 1,2 ໂຕນ. ລ້າສຸດ ທ່ານ ໂຈໂກ ວິໂດໂດ, ປະທານາທິບໍດີ ອິນໂດເນເຊຍ ສັ່ງດຳເນີນການ ເອົາຜິດກັບຜູ້ທີ່ເປັນຕົ້ນ ເຫດຂອງໄຟປ່າຄັ້ງນີ້ ເນື່ອງຈາກ ສ່ວນໃຫຍ່ເກີດ ຈາກການ ຖາງປ່າ ເຮັດໄຮ່ຂອງປະຊາຊົນ.
ຂອບໃຈຂ່າວຈາກ:
