-
ກຳຈັດສິວຫົວດຳທີ່ດັງດ້ວຍວາດສະລີນ (Vaseline) ວິທີເຮັດກໍງ່າຍຫລາຍ ພຽງແຕ່ນຳເອົາວາດສະລີນມາທາໜາໆເທິງດັງ ຈາກນັ້ນໃຊ້ນິ້ວມືທາວົນອ້ອມຮອບດັງແລະບໍລິເວນທີ່ມີສິວຫົວດຳ ເພື່ອອຸ່ນເນື້ອຄີມໃຫ້ຮ້ອນຫລັງຈາກນັ້ນກໍນຳໃຊ້ຖົງພາດຕິກໃສມາແປະທັບ ແລ້ວໃຊ້ຜ້າສະອາດຊຸບນ້ຳອຸ່ນມາປິດທັບໄວ້ໃຫ້ບໍລິເວນນັ້ນເພື່ອເພີ່ມຄວາມຮ້ອນ ຊຶ່ງຈະເປັນການຂະຫຍາຍລູຂຸມຂົນ ຈາກນັ້ນປະໄວ້ໄລຍະໜື່ງ ແລ້ວຄ່ອຍເອົາເຈ້ຍອານາໄມເຊັດອອກ ພຽງເທົ່ານີ້ສິວຫົວດຳກວນໃຈກໍຈະຫລຸດອອກມາຢ່າງງ່າຍດາຍເລີຍ
2. ສະຄັບໝາກເລັ່ນກຳຈັດສິວຫົວດຳ ພຽງນຳໝາກເລັ່ນທີ່ສຸກແດງແລ້ວມາຝານເປັນແຜ່ນບາງໆຈາກນັ້ນນຳມາຖູໃຫ້ທົ່ວໃບໜ້າ ປະໄວ້ປະມານ 15 ນາທີ ແລ້ວລ້າງອອກດ້ວຍນ້ຳເຢັນພຽງເທົ່ານີ້ສິວອຸດຕັນກໍຍຸບຕົວລົງ ແລະ ມີຫົວໃຫ້ເຮົາພໍກຳຈັດມັນອອກມາໄດ້(ຖ້າເຈົ້າເປັນຄົນຜິວແຫ້ງ ຫລັງເຮັດແລ້ວໜ້າຕຶງຫລາຍ ກໍຄວນເວັ້ນໄລຍະການເຮັດຈາກອາທິດລະເທື່ອເປັນສອງອາທິດໜຶ່ງເທື່ອແທນ)
3. ເປືອກໝາກກ້ຽງ ຫລື ເປືອກໝາກນາວປະສົມໂຍເກິນ ພຽງເຈົ້າໃຊ້ເປືອກໝາກກ້ຽງຫລືເປືອກໝາກນາວທີ່ສັບລະອຽດແລ້ວນຳມາປະສົມກັບໂຍເກິລ໌ ນຳມາພອກໜ້າປະໄວ້ປະມານ 30 ນາທີ ແລ້ວລ້າງອອກດ້ວຍນ້ຳ ພຽງເທົ່ານີ້ກໍຈະສາມາດຊ່ວຍກຳຈັດສິວອຸດຕັນອອກໄປຈາກໃບໜ້າໄດ້
4. ນ້ຳໝາກນາວ+ນ້ຳເຜຶ້ງອຸ່ນ ພຽງແຄ່ນຳນ້ຳມະນາວ 3-4 ຫຍອດ ມາຫຍອດລົງເທິງນ້ຳເຜຶ້ງທີ່ມີອັດຕາສ່ວນເທົ່າກັນ ຈາກນັ້ນນຳໄປແຕ້ມລົງເທິງຫົວສິວ ປະເອົາໄວ້ 15 ນາທີ ແລ້ວລ້າງອອກດ້ວຍນ້ຳສະອາດ ສູດນີ້ແນະນຳໃຫ້ເຮັດອາທິດລະ 2-3 ເທື່ອແລ້ວສິວຫົວດຳຈະຄ່ອຍໆຫາຍໄປ
5. ມັນຝຮັ່ງ ພຽງນຳມັນຝຮັ່ງດິບມາຝັກຈົນລະອຽດ ແລ້ວທາບໍລິເວນທີ່ເປັນສິວຫົວດຳ ປະເອົາໄວ້ປະມານ 15 ນາທີແລ້ວລ້າງອອກດ້ວຍນ້ຳສະອາດ ພຽງເທົ່ານີ້ບັນຫາສິວຫົວດຳກໍຈະໝົດໄປ