ສຳນັກຂ່າວຕ່າງປະເທດ ລາຍງານໃນວັນທີ 31 ສິງຫານີ້ວ່າ ຊາວຍີ່ປຸ່ນຈຳນວນຫລາຍໝື່ນຄົນ ຊຶ່ງປະກອບມີນັກສຶກສາ ແລະ ຊາວໜຸ່ມເປັນສ່ວນຫລາຍ ໄດ້ອອກມາຊຸມນຸມປະທ້ວງຕໍ່ໜ້າອາຄານລັດຖະສະພາຍີ່ປຸ່ນ ຢູ່ນະຄອນຫລວງໂຕກຽວ ເພື່ອຕໍ່ຕ້ານກົດໝາຍໃໝ່ທີ່ຈະໃຫ້ສິດລັດຖະບານ ສາມາດສົ່ງກຳລັງທະຫານຍີ່ປຸ່ນ ອອກໄປສູ້ຮົບຢູ່ຕ່າງປະເທດໄດ້ ຊຶ່ງນັບເປັນຄັ້ງທຳອິດນັບຕັ້ງແຕ່ຫລັງສິ້ນສຸດສົງຄາມໂລກຄັ້ງທີ 2 ທີ່ລັດຖະທຳມະນູນຂອງຍີ່ປຸ່ນເອງ ໄດ້ບັນຍັດໄວ້ວ່າ ຍີ່ປຸ່ນບໍ່ສາມາດໃຊ້ກຳລັງທະຫານໃນການແກ້ໄຂຂໍ້ຂັດແຍ່ງໄດ້ ນອກຈາກເພື່ອເປັນການປົກປ້ອງຕົນເອງເທົ່ານັ້ນ.