spot_img
Homeຂ່າວການພັດທະນາຜູ້ສັນຈອນຈົ່ມ! ອີກດົນປານໃດເສັ້ນທາງດົງໂດກ ຈະໄດ້ຮັບການສ້ອມແປງໃຫ້ດີ?

ຜູ້ສັນຈອນຈົ່ມ! ອີກດົນປານໃດເສັ້ນທາງດົງໂດກ ຈະໄດ້ຮັບການສ້ອມແປງໃຫ້ດີ?

Published on

dongdok-nongbuek

ນີ້ແມ່ນຄຳຖາມຂອງຜູ້ອາໃສ່ຢູ່ເຂດໃກ້ຄຽງ ແລະ ຜູ້ສັນຈອນຜ່ານໄປມາໃນເສັ້ນທາງດົງໂດກ ແລະ ຍັງບໍ່ມີຄຳຕອບຈາກພາກ ສ່ວນກ່ຽວຂ້ອງເທື່ອ, ຈຶ່ງເຮັດໃຫ້ ເສັ້ນທາງດັ່ງກ່າວຊຸດໂຊມເພ່ເປຫລາຍຄືເຫັນນຳກັນດັ່ງທຸກວັນນີ້.

ເສັ້ນທາງດົງໂດກມີຄວາມສຳຄັນຕໍ່ການສັນຈອນຂອງພາຫະນະເຂົ້າ-ອອກລະຫວ່າງຊານເມືອງ ແລະ ຕົວເມືອງ, ເປັນເສັ້ນທາງເຊື່ອມຕໍ່ການລຳລຽງຂົນສົ່ງສິນຄ້າລະຫວ່າງພາກໃຕ້ຫາພາກເໜືອ, ສະນັ້ນ ຈຶ່ງມີພາຫະນະຂະໜາດຕ່າງໆສັນຈອນຜ່ານໄປມາເປັນຈຳນວນຫລວງຫລາຍໃນແຕ່ລະວັນ ແລະ ເຮັດໃຫ້ເສັ້ນທາງສາຍນີ້ມີສະພາບເປ່ເພເລື້ອຍໆ, ຜ່ານມາເຖິງວ່າພາກສ່ວນກ່ຽວຂ້ອງໄດ້ປັບປຸງສ້ອມແປງຕາບຈູນບາງຈຸດທີ່ເປັນບວກເປັນຂຸມເພື່ອ ໃຫ້ການສັນຈອນມີຄວາມໂລ່ງລຽນ, ແຕ່ກໍຍັງບໍ່ຮັບປະກັນໄດ້ ດ້ານມາດຕະຖານ, ຈຶ່ງເຮັດໃຫ້ບາງຈຸດ, ບາງຍ່ານເປ່ເພຄືນໃໝ່ອີກ ແລະ ເຮັດໃຫ້ສີ້ນເປື້ອງງົບປະມານບໍ່ໜ້ອຍໃນການປົວແປງໃນຫລາຍຄັ້ງຜ່ານມາ ແລະ ມາຮອດປັດຈຸບັນ, ເສັ້ນທາງດັ່ງກ່າວ ຍິ່ງມີການຊຸດໂຊມເປ່ເພຫລາຍອັນໄດ້ສ້າງຄວາມຫຍຸ້ງຍາກໃຫ້ແກ່ການສັນຈອນບໍ່ໜ້ອຍ, ເນື່ອງ
ຈາກວ່າເມື່ອມີຝົນຕົກກໍເປັນບວກຂຸມເປີະເປືອນ, ເວລາແດດອອກກໍເປັນຂີ້ຝຸ່ນປິວໄຫງລອຍໄປເປັນບໍລິເວນກວ້າງ, ສ້າງຄວາມລຳບາກໃຫ້ ແກ່ການດຳລົງຊີວິດຂອງຜູ້ອາໄສຢູ່ໃກ້ຄຽງລວມທັງຜູ້ສັນຈອນຜ່ານໄປມານຳດ້ວຍ ແລະ ຕໍ່ສະພາບທີ່ ຫຍຸ້ງຍາກດັ່ງກ່າວກໍຍັງບໍ່ມີຄຳຕອບແນ່ນອນຈາກພາກສ່ວນກ່ຽວຂ້ອງວ່າເສັ້ນທາງດັ່ງກ່າວຈະມີແຜນກໍ່ສ້າງສ້ອມແປງໃຫ້ດີອີກດົນປານ ໃດ ແລະ ໃນອີກບໍ່ດົນນີ້, ປະເທດພວກເຮົາກໍຈະມີຫລາຍກິດຈະກຳສະຫລອງວັນສຳຄັນຂອງຊາດ ເຊັ່ນ: ສະຫລອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ, ກອງປະຊຸມໃຫຍ່ຄັ້ງທີ 10 ຂອງພັກ ແລະ ການເປັນເຈົ້າພາບກອງປະຊຸມສຸດຍອດອາຊຽນ, ສະນັ້ນ ຫວັງວ່າຫລາຍເສັ້ນທາງໃນຕົວເມືອງຄົງຈະໄດ້ຮັບການປັບປຸງຍົກລະດັບໃຫ້ມີມາດຕະຖານ ແລະ ສວຍງາມດີຂຶ້ນ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...