ແອັບທີ່ຈະແນະນຳຕໍ່ໄປນີ້ ໜ້າຈະຖືກໃຈຫລາຍຄົນ ໂດຍສະເພາະຜູ້ທີ່ມັກເອົາ iPhone ເຂົ້າຫ້ອງນ້ຳຂະນະຖ່າຍ ເນື່ອງຈາກແອັບ ຫລືໂປແກມທີ່ວ່ານີ້ ສາມາດໃຫ້ເຈົ້າແຊັດ ຫລືສົນທະນາກັບໝູ່ເພື່ອນ ທົ່ວໂລກໄປພ້ອມໆ ກັນໄດ້ ຊຶ່ງຊ່ວຍສ້າງຄວາມເພີດເພີນໃນລະຫວ່າງການນັ່ງສ້ວມໄດ້ເປັນຢ່າງດີ ນັ້ນຄື Pooductive
Pooductive ແອັບພິເຄຊັ່ນແຊັດສຸດແນວທີ່ບໍ່ຄືໃຜ ເນື່ອງຈາກຕົວແອັບ ສາມາດຊ່ວຍໃຫ້ເຈົ້າແລກປ່ຽນຄວາມຄິດເຫັນ ຫລືສົນທະນາຕ່າງໆ ໃນລະຫວ່າງປ່ອຍຂອງເສຍຢູ່ໃນຫ້ອງນ້ຳກັບໝູ່ເພື່ອນ ທົ່ວໂລກ ຜ່ານແອັບດັ່ງກ່າວ ໄດ້ຢ່າງເພີດເພີນ ສຳລັບວິທີການໃຊ້ງານແອັບ Pooductive ສາມາດເຮັດໄດ້ງ່າຍໆ ພຽງແຕ່ໃສ່ຊື່ ແລະ ລະຫັດຜ່ານທີ່ຕ້ອງການລົງໄປ ເພື່ອລົງທະບຽນ ໂດຍບໍ່ຈຳເປັນຕ້ອງໃສ່ຮູບໂປໄຟລ໌ ຫລືອີເມລໃຫ້ຫຍຸ້ງຍາກ ຈາກນັ້ນກໍ່ທຳການເລືອກໂໝດທີ່ຕ້ອງການຄົ້ນຫາເພື່ອນ ຊຶ່ງມີ 2 ໂໝດນຳກັນ ຄື 1. ແບບ Local ສຳລັບແຊັດກັບຜູ້ໃຊ້ງານຄົນອື່ນໆ ທີ່ຢູ່ອອ້ມຕົວປະມານ 5 – 250 ກິໂລແມັດ ແລະ 2. ແບບ Global ສຳລັບເລືອກແຊັດກັບໃຜກໍໄດ້ທົ່ວໂລກແບບຕົວຕໍ່ຕົວໄປຈົນເຖິງກຸ່ມ ຖືໄດ້ວ່າເປັນແອັບແຊັດນ້ອງໃໝ່ທີ່ໜ້າສົນໃຈ ບໍ່ນ້ອຍໜ້າໃຜ
ທັງນີ້ ແອັບ Pooductive ຜູ້ໃຊ້ງານຈະຕ້ອງທຳການຍອມຮັບກົດທັງ 3 ຂໍ້ເສຍກ່ອນ ຄື 1. ບໍ່ເວົ້າເລື່ອງລາມົກອານາຈານ 2. ບໍ່ມີຮູບພາບທີ່ເສື່ອມເສຍ ແລະ ສຸດທ້າຍ 3. ແຊັດ ຫລື ສົນທະນາດ້ວຍຖ້ອຍຄຳສຸພາບເທົ່ານັ້ນ ຫາກຜູ້ໃຊ້ງານເຮັດຜິດກົດດັ່ງກ່າວຈະຖືກແບນທັນທີ ຖ້າມີຜູ້ຮ້ອງຮຽນ