ຂປລ.ຕາມຂ່າວຕ່າງປະເທດ,ໃນວັນທີ 24 ສິງຫາ 2015, ອາຊຽນ ແລະ ບັນດາຄູ່ເຈລະຈາ ເພີ່ມທະວີ ການເຊິ່ອງໂຍງ ດ້ານເສດຖະກິດ ເປັນຕົ້ນ: ອາຊຽນ-ຈີນ ໄດ້ເນັ້ນໃສ່ ລະບຽບ ການພາສີ ແລະ ໜູນຊ່ວຍ ດ້ານການຄ້າ ໃນສັນຍາ ການຄ້າເສລີ ອາຊຽນ-ຈີນ ເພື່ອຫັນບັນດາ ລະບຽບການພາສີ ໃຫ້ສະດວກ ງ່າຍຂຶ້ນ ແລະ ກົມກ່ຽວກັນ ພ້ອມທັງ ສ້າງຄວາມໝັ້ນຄົງ ໃນການຂໍລະບຽບການ ດ້ານພາ ສີ ລະຫວ່າງ ອາຊຽນ-ຈີນ.

ຂະນະທີ່ ອາຊຽນ-ສ.ເກົາຫລີ ໄດ້ລົງນາມ ໃນອານຸສັນຍາ ສະບັບປັບປຸງ ຄັ້ງທີ 3 ກ່ຽວກັບ ສັນຍາ ການຄ້າເສລີ ລະຫວ່າງ ອາຊຽນ ແລະ ສ.ເກົາຫລີ. ການຄ້າ ແລະ ອຸດສາຫະກຳ ຍີ່ປຸ່ນ ຈະໄດ້ປະຕິ ບັດສັນຍາ ເສດຖະກິດ ຮອບດ້ານ ອາຊຽນ-ຍີ່ປຸ່ນ ໃນທ້າຍປີນີ້. ນອກນີ້ ຍັງມີອາຊຽນ+3 ປະກອບມີ ຈີນ, ສ.ເກົາຫລີ, ຍີ່ປຸ່ນ  ຈະເພີ່ມທະວີ ການແລກປ່ຽນ ແລະ ສົມທົບກັນ ລະຫວ່າງ ສາມ ໃຈກາງ ໃນ ການສ້າງຄວາມສະດວກ ແລະ ເພີ່ມທະວີ ການເຊື່ອງໂຍງ ດ້ານການຄ້າ ແລະ ການລົງທຶນ ກໍຄືກັບບັນດ າຄູ່ຮ່ວມມື ເຈລະຈາອື່ນ ຂອງອາຊຽນ. ຂະນະນີ້ ຍັງຈະສ້າງ ເຂດການຄ້າ ເສລີ ອາຊຽນ- ອົດ ສະຕຣາລີ-ນູແວນເຊລັງ ທີ່ໄດ້ຈັດຕັ້ງ ປະຕິບັດ ແຕ່ທ້າຍປີ 2010 ເປັນຕົ້ນມາ. ສຳລັບ ສະພາເສດຖະກິດ ອາຊຽນ-ອິນເດຍ ຈະປະຕິບັດ ຕາມສັນຍາ ການຄ້າ ການບໍລິການ ແລະ ການລົງທຶນ ອາຊຽນ- ອິນເດຍ ເປັນຕົ້ນ: ບຣູໄນ, ມາເລເຊຍ, ສິງກະໂປ, ຫວຽດນາມ ແລະ ອິນເດຍ, ພ້ອມທັງ ຮຽກຮ້ອງ ເຊັນອະນຸສັນຍາ ສອງສະບັບ ກັບບັນດາ ປະເທດສະມາຊິກ ທີ່ຍັງເຫລືອ ໃນອາຊຽນ ໂດຍໄວ.    

ການຕົກລົງ ຮ່ວມມືດັ່ງກ່າວ ໄດ້ມີຂຶ້ນ ໃນຂອບເຂດ ກອງປະຊຸມ ລັດຖະມົນຕີ ເສດຖະກິດ ອາຊຽນ ຄັ້ງທີ 47 ແລະ ດຳເນີນ ບັນດາກອງປະຊຸມ ທາບທາມຄວາມເຫັນ ຂອງບັນດາ ລັດຖະມົນຕີ ເສດ ຖະກິດ ອາຊຽນ ກັບບັນດາ ຄູ່ຮ່ວມເຈລະຈາ ໄດ້ຈັດຂຶ້ນ ຢູ່ນະຄອນຫລວງ ກົວລາລຳເປີ ຂອງມາເລເຊຍ.

ຂອບໃຈຂ່າວຈາກ: