ເຈົ້າຫນ້າທີ່ຕຳຫລວດບຸກຈັບທະນາຄານປອມຜິດກົດຫມາຍຂອງຈີນ ຫລັງຈາກທີ່ໄດ້ປະຕິເສດບໍ່ໃຫ້ລູກຄ້າຖອນເງີນສົດຈາກບັນຊີ
ເກີດເລື່ອງຮືຮາໃນປະເທດຈີນຜູ້ໂດ່ງດັ່ງເລື່ອງການກັອບປີ້ອີກເທື່ອ ຫລັງຈາກເມື່ອບໍ່ດົນມານີ້ມີຂ່າວຄາວການກັອບປີ້ສະຖານີຕຳຫລວດໄປແລ້ວ ຫລ້າສຸດວັນທີ່ 19 ສິງຫາ 2015 ເວັບໄຊຕ໌ລັອກເກັດນິວສ໌ 24 ມີລາຍງານວ່າ ເຈົ້າຫນ້າທີ່ຕຳຫລວດບຸກເຂົ້າກວດສອບທະນາຄານປອມກັອບເກດເອແຫ່ງໜຶ່ງໃນມົນທົນຊານຕົງ ຂອງຈີນ ຫລັງຈາກທີ່ມີລູກຄ້າລາຍງານວ່າຖືກທະນາຄານແຫ່ງນີ້ປະຕິເສດການຖອນເງີນສົດຈາກບັນຊີຂອງຕົນເອງຢູ່ຫລາຍເທື່ອ
ເມື່ອເຈົ້າຫນ້າທີ່ຕຳຫລວດເຂົ້າກວດສອບຮູ້ວ່າ ທະນາຄານປອມແຫ່ງນີ້ໄດ້ຮຽນແບບທະນາຄານ ໄຊໜ້າ ຄອນສ໌ຕັກຊັ່ນ ແບ້ງ ຈົນເຮັດໃຫ້ຄົນເຊື່ອວ່າເປັນທະນາຄານຂອງແທ້ ໂດຍມີຜູ້ກໍ່ຕັ້ງຄື ທ້າວ ຈາງ ພວກເຂົາຕ້ອງການເຮັດກິດຈະການປ່ອຍເງີນກູ້ໃຫ້ກັບທຸລະກິດນ້ອຍໆ ໃນຍ່ານນັ້ນ ແຕ່ ທ້າວ ຈາງ ບໍ່ເຄີຍມີປະສົບການກ່ຽວກັບການເຮັດວຽກກ່ຽວກັບທະນາຄານເລີຍ ເຄີຍເປີດແຕ່ທຸລະກິດຂາຍເຟີນິເຈີເທົ່ານັ້ນ
ລາຍງານລະບຸວ່າ ເມື່ອເດືອນກໍລະກົດທີ່ຜ່ານມາ ພວກເຂົາໄດ້ຮັບເງີນຝາກຂອງລູກຄ້າຫລາຍເຖິງ 40, 000 ຫຍວນ ຫລືປະມານ 50.000.000 ກີບ ໂດຍທີ່ລູກຄ້າບໍ່ຮູ້ເລີຍວ່າພວກເຂົາກຳລັງຝາກເງີນກັບທະນາຄານຜິດກົດຫມາຍ
ຢ່າງໃດກໍດີ ທາງເຈົ້າຫນ້າທີ່ໄດ້ຈັບກຸມ ທ້າວ ຈາງ ເພື່ອໄປສືບສວນ ແລະຂະນະນີ້ຢູ່ລະຫວ່າງການດຳເນີນຄະດີ