ໜຶ່ງໃນສິນຄ້າທີ່ຄາດວ່າ Apple ໜ້າຈະນຳມາເປີດຕົວໃນເດືອນກັນຍານີ້ເຊັ່ນ iPad Mini 4 ກໍໄດ້ມີຂໍ້ມູນກ່ຽວກັບຟັງຊັ່ນການໃຊ້ງານທີ່ໜ້າສົນໃຈ ຫລຸດອອກມາໃຫ້ເຮົາໄດ້ຕິດຕາມກັນ ແລະເຖິງວ່າ iOS 9 ຈະຍັງບໍ່ອອກມາຢ່າງເປັນທາງການ ແຕ່ຟັງຊັ່ນແບ່ງການເຮັດວຽກ 2 ໜ້າຈໍ ແບບອັດຕາສ່ວນ 50/50 ທີ່ສາມາດໃຊ້ງານກັບ iPad Air 2 ໄດ້ຖືກນຳມາໃຊ້ກັບຕົວ iPad mini 4 ດ້ວຍ
ຂໍ້ມູນດັ່ງກ່າວພົບຈາກໄຟລ໌ເຄື່ອງມືຊ່ວຍເຫລືອນັກພັດທະນາຂອງບຣາວເຊີ Safari 9 ເທິງ OS X El Capitan ຊຶ່ງທຳການຈຳລອງດີໄຊນ໌ໜ້າເວັບແບບ Responsive ດ້ວຍການໃຊ້ງານແບ່ງໜ້າຈໍ (Split Screen) ເທິງ iPad mini 3 ເຫດກໍເພາະສະເປັກທີ່ຍັງບໍ່ພຽງພໍຕໍ່ການໃຊ້ງານແທ້ ຈຶ່ງຄາດວ່າເທິງ iPad mini 4 ທີ່ມີສະເປັກແຮງຂຶ້ນຫລືທຽບເທົ່າ iPad Air 2 ນັ້ນ ຈະສາມາດໃຊ້ງານຟັງຊັ່ນດັ່ງກ່າວໄດ້ຢ່າງແນ່ນອນ
