ເກົາຫລີໃຕ້ຍິງຕອບໂຕ້ ຫລັງຈາກທີ່ເກົາຫລີເໜືອຍິງຈະຫລວດຂ້າມແດນເຂົ້າມາ
ສຳນັກຂ່າວຕ່າງປະເທດຈາກກຸງໂຊນ ປະເທດເກົາຫລີໃຕ້ລາຍງານວ່າ ຂະນະນີ້ຝ່າຍເກົາຫລີໃຕ້ໄດ້ລະດົມຍິງປືນໃຫຍ່ຂະໜາດ 155 ມມ. ກວ່າສິບນັດເຂົ້າໄປໃນເກົາຫລີເໜືອ ຫລັງຈາກອີກຝ່າຍຍິງຈະຫລວດຂ້າມແດນເຂົ້າມາກ່ອນ
ລາຍງານຍັງລະບຸວ່າ ທາງການເກົາຫລີໃຕ້ຍັງໄດ້ສັ່ງການທະຫານຕິດຕາມຄວາມເຄື່ອນໄຫວຢ່າງໃກ້ຊິດເພື່ອເປັນການຕອບໂຕ້ ແລະອົບພະຍົບຊາວບ້ານທີ່ຢູ່ແຖວໃກ້ຄຽງເຂົ້າໄປຢູ່ໃນທີ່ຫລົບໄພ
ທັງນີ້ຍັງບໍ່ມີລາຍງານຄວາມເສຍຫາຍຈາກການຍິງຈະຫລວດມາຕົກໃນພື້ນທີ່ເກົາຫລີໃຕ້ ໂດຍການຍິງຕອບໂຕ້ເທື່ອນີ້ເກີດຂຶ້ນທ່າມກາງຄວາມຕຶງຄຽດຫລັງຈາກທີ່ເຈົ້າຫນ້າທີ່ຫນ່ວຍລາດຕະເວນພົມແດນຂອງເກົາຫລີໃຕ້ 2 ຄົນເກີດຫຍຽບກັບລະເບີດໄປເມື່ອຕົ້ນເດືອນທີ່ຜ່ານມາ
