ນາຊ່າເປີດເຜີຍພາບຖ່າຍຈາກດ້ານຫລັງຂອງດວງຈັນຊຶ່ງຢູ່ກົງກັນຂ້າມກັບໂລກ ເປັນມຸມມືດຂອງດວງຈັນທີ່ມະນຸດເທິງພື້ນໂລກບໍ່ສາມາດເບິ່ງເຫັນໄດ້
ວັນທີ່ 6 ສິງຫາ 2015 ສຳນັກຂ່າວ CNN ເປີດເຜີຍຄລິບວິດີໂອຈາກຍູທູບ NASA. gov Video ຊຶ່ງເປັນຄລິບວິດີໂອທີ່ໄດ້ຈາກການຖ່າຍພາບຂອງດາວທຽມ Deep Space Climate Observatory (DSCOVR) ທີ່ຈັບພາບດວງຈັນຂະນະກຳລັງໂຄຈອນຮອບໂລກໄວ້ໄດ້ ໂດຍພາບທີ່ປາກົດເປັນພາບດ້ານຫລັງຂອງດວງຈັນ ຊຶ່ງເປັນດ້ານກົງກັນຂ້າມກັບມຸມທີ່ດວງຈັນຫັນດ້ານສະຫວ່າງເຂົ້າສູ່ໂລກ ເຮັດໃຫ້ພາບຂອງດວງຈັນທີ່ປາກົດໃນກ້ອງບໍ່ສະຫວ່າງສົດໃສຄືປົກກະຕິ ເອີ້ນໄດ້ວ່າເປັນດ້ານມືດຂອງດວງຈັນທີ່ມະນຸດເທິງໂລກບໍ່ເຄີຍມີໂອກາດໄດ້ເຫັນມາກ່ອນ
ທັງນີ້ນັກວິທະຍາສາດຂອງໂຄງການ DSCOVR ນາມວ່າ ອະດຳ ຊາໂບ ກ່າວວ່າ “ມັນໜ້າປະຫລາດໃຈຫລາຍທີ່ ໂລກຂອງເຮົາເບິ່ງສວຍງາມຂຶ້ນມາທັນທີເລີຍເມື່ອທຽບກັບດ້ານມືດຂອງດວງຈັນ