ມາເບິ່ງພາບປາກົດການຝົນດາວຕົກເພີເຊອິດ (Perseid) ປະກາຍທົ່ວທ້ອງຟ້າຍຸູໂຣບ ໃນຄືນວັນທີ່ 12-13 ສິງຫາ ທີ່ຜ່ານມາ
ຜ່ານພົ້ນໄປແລ້ວສຳລັບຄ່ຳຄືນແຫ່ງປາກົດການຝົນດາວຕົກເພີເຊອິດ (Perseid) ທີ່ເຝົ້າເບີ່ງກັນ 12 ສິງຫາເຊີ່ງໜ້າເສຍດາຍວ່າສະພາບອາກາດບ້ານເຮົາບໍ່ເປັນໃຈ ແຕ່ສຳລັບຫລາຍໆ ປະເທດໃນຍຸູໂຣບແລ້ວ ສາມາດເບີ່ງປາກົດການຝົນດາວຕົກໄດ້ຢ່າງຈຸໃຈ ໃນຄືນວັນທີ່ 12 ສິງຫາ ແລະມີໃຫ້ເຫັນອີກແຕ່ມີຫນ້ອຍກວ່າເກົ່າໃນຄືນ 13 ສິງຫາ Laopost.com ເລີຍບໍ່ພາດຫາລວບລວມພາບສວຍງາມ ຂອງຝົນດາວຕົກເພີເຊອິດມາໃຫ້ເບີ່ງກັນ
ຕາມຂໍ້ມູນຈາກເວັບໄຊຕ໌ space.com ການເກີດຝົນດາວຕົກເພີເຊອິດເປັນປາກົດການປະຈຳປີ ເກີດຈາກໂລກໂຄຈອນຜ່ານເສດຝຸ່ນຂອງດາວຫາງສະວິບທັດເທີນ ທີ່ມີຂະໜາດ 10 ກິໂລແມັດ ແລະໂຄຈອນຮອບດວງອາທິດທຸກໆ 133 ປີ ສະເກັດດາວຫາງເຄື່ອນທີ່ຜ່ານຊັ້ນບັນຢາກາດໂລກດ້ວຍຄວາມໄວສູງ ຈົນເກີດການລຸກໄໝ້ ອຸນຫະພູມຢູ່ທີ່ 1,650 ອົງສາ ເບິ່ງເຫັນເປັນດວງໄຟຜ່ານທ້ອງຟ້າ ໂດຍໃນປີນີ້ໄລຍະເວລາໂລກໂຄຈອນຜ່ານເສດຝຸ່ນດາວຫາງສະວິບທັດເທີນນັ້ນ ກົງກັບເດືອນສິງຫາ ອີກຍັງເປັນໄລຍະເວລາແຮມ ທ້ອງຟ້າຈຶ່ງມືດຂາດເງົາແສງຈັນ ເຮັດໃຫ້ເບິ່ງເຫັນກຸ່ມຝົນດາວຕົກໄດ້ຢ່າງຊັດເຈນ ໂດຍໄລຍະທີ່ຝົນດາວຕົກຜ່ານຫລາຍທີ່ສຸດ ຢູ່ທີ່ 60 ລູກຕໍ່ຊົ່ວໂມງ ຊາວຍູໂຣບໃນຫລາຍໆ ພື້ນທີ່ເບິ່ງເຫັນໄດ້ຊັດເຈນ
