ສຳນັກຂ່າວຕ່າງປະເທດ ລາຍງານໃນວັນທີ 18 ສິງຫານີ້ວ່າ ໃນເທດສະການແລ່ນງົວກະທິງປະຈຳປີຢູ່ພາກເໜືອຂອງແອັດສະປາຍ ທີ່ຈັດຂຶ້ນໃນວັນທີ 16 ສິງຫາຜ່ານມານີ້ ໄດ້ມີຜູ້ເຂົ້າຮ່ວມງານເສຍຊີວິດ 1 ຄົນ ເປັນຊາຍໜຸ່ມອາຍຸ 18 ປີ ຖືກງົວກະທິງຊົນເຂົາແທງເຂົ້າບໍລິເວນທ້ອງນ້ອຍ ເຮັດໃຫ້ນັບຕັ້ງແຕ່ເລີ່ມເທດສະການແລ່ນງົວກະທິງອັນໂດ່ງດັງຂອງແອັດສະປາຍ ໃນເດືອນກໍລະກົດເປັນຕົ້ນມານີ້ ແມ່ນມີຜູ້ເສຍຊີວິດແລ້ວ 7 ຄົນ.