ຈາກເຫດລະເບີດຢູ່ບໍລິເວນ 4 ແຍກຣາຊະປະສົງ ໃຈກາງນະຄອນຫລວງບາງກອກ ປະເທດໄທ ໃນຕອນຄ່ຳຂອງວັນທີ 17 ສິງຫາ 2015 ທີ່ຜ່ານມາ ສົ່ງຜົນເຮັດໃຫ້ມີຜູ້ເສຍຊີວິດ ແລະ ບາດເຈັບເປັນຈຳນວນຫລວງຫລາຍ ຊຶ່ງສ້າງຄວາມເສົ້າສະຫລົດໃຈແກ່ຊາວໄທທົ່ວປະເທດ ຕະຫລອດຮອດກາຍເປັນຂ່າວສະເທືອນໃຈໄປທົ່ວໂລກ.
ໃນນາມສື່ອອນລາຍຂອງລາວ ແລະ ໃນນາມປະຊາຊົນລາວ ເພື່ອນມິດໃກ້ຄຽງຂອງພີ່ນ້ອງຊາວໄທ ຂໍສະແດງຄວາມເສົ້າສະຫລົດໃຈມາຍັງຄອບຄົວຂອງຜູ້ເສຍຊີວິດ ຕະຫລອດຮອດຂໍເປັນກຳລັງໃຈໃຫ້ພີ່ນ້ອງຊາວໄທທຸກທົ່ວໜ້າ ຈົ່ງຜ່ານຜ່າສະພາບການຄວາມບໍ່ສະຫງົບດັ່ງກ່າວນີ້ ແລະ ຂໍຄວາມປົກກະຕິສຸກ ຈົ່ງເກີດມີແດ່ປະເທດໄທ ເພື່ອນມິດຂອງພວກເຮົາດ້ວຍ.
