ສຳນັກຂ່າວຜູ້ຈັດການອອນລາຍນ໌ຂອງໄທ ລາຍງານວ່າ ເມື່ອເວລາ 19:00 ໂມງ ຂອງມື້ນີ້ (17 ສິງຫາ) ໄດ້ເກີດເຫດລະເບີດຢູ່ບໍລິເວນສີ່ແຍກຣາຊະປະສົງ ໃຈກາງນະຄອນຫລວງບາງກອກ ປະເທດໄທ ເຮັດໃຫ້ມີຜູ້ເສຍຊີວິດຢ່າງໜ້ອຍ 2 ຄົນ ແລະ ບາດເຈັບອີກປະມານ 30 ກ່ວາຄົນ ລວມທັງມີລົດເສຍຫາຍອີກຫລາຍກ່ວາ 30 ຄັນ ຕຶກອາຄານທີ່ຢູ່ໃກ້ຄຽງກໍໄດ້ຮັບຄວາມເສຍຫາຍ ໂດຍເຈົ້າໜ້າທີ່ທະຫານ ແລະ ຕຳຫລວດ ໄດ້ເຂົ້າກວດສອບບ່ອນເກີດເຫດພົບວ່າ ມີວັດຖຸຕ້ອງສົງໃສທີ່ເປັນຖົງສີດຳ ຊຶ່ງອາດແມ່ນວັດຖຸລະເບີດ ໂດຍເບື້ອງຕົ້ນແມ່ນເຈົ້າໜ້າທີ່ໄດ້ທຳການປິດການສັນຈອນ ແລະ ຫ້າມຜູ້ຄົນເຂົ້າໄປໃນບໍລິເວນດັ່ງກ່າວ ເພື່ອທຳການເກັບກູ້ວັດຖຸຕ້ອງສົງໃສດັ່ງກ່າວແລ້ວ.