ສານ​ປະຊາຊົນ​​ນະຄອນຫລວງ​ວຽງ​ຈັນ, ໄດ້​ຕັດສິນ​ລົງ​ໂທດ​ທ້າວ ສົມ​ພາ​ສຸກ ອາຍຸ 20 ປີ ຢູ່​ບ້ານ​ສ້າງ​ເຫວີຍ, ເມືອງ​ສີ​ສັດຕະ​ນາກ ນະຄອນ​ຫລວງ​ວຽງ​ຈັນ ຈຳຄຸກເປັນເວລາ 5 ປີພ້ອມປັບໃໝ 10 ລ້ານກີບໃນຂໍ້ຫາຄ້າຂາຍຢາເສບຕິດ, ເຊິ່ງຜູ້ກ່ຽວຖືກເຈົ້າໜ້າທີ່ຈັບໄດ້ເມື່ອທ້າຍປີ 2014 ຂະນະທີພວມເອົາຢາເສບຕິດໄປຈຳໜ່າຍໃຫ້ໄວໜຸ່ມໃນເຂດເມືອງສີສັດຕະນາກ, ພ້ອມຂອງກາງຢາບ້າ 158 ເມັດ, ຈຶ່ງຍຶດເປັນຫລັກຖານໃນການດຳເນີນຄະດີດັ່ງກ່າວ.

ເຈົ້າໜ້າທີ່ໃຫ້ຮູ້ວ່າ: ຜູ້ກ່ຽວເຄີຍຖືກຜູ້​ປົກຄອງ​ສົ່ງ​ໄປ​ບຳບັດ​ຢູ່​ສູນ​ສົມ​ສະຫງ່າ​ເປັນ​ເວລາ 2 ​ເດືອນຍ້ອນເສບຢາບ້າ, ພາຍຫລັງ​ອອກ​ມາ​ກໍ​ໄປ​ພົວພັນເສບ ແລະ ​ເຄື່ອນ​ໄຫວ​ຄ້າຂາຍ​ຢາບ້າຄືນອີກ, ຈຶ່ງຖືກເຈົ້າໜ້າທີ່ຈັບຕົວມາດຳເນີນຕາມລະບຽບກົດໝາຍ.

ຂອບໃຈຂ່າວຈາກ: