ສຳນັກຂ່າວຕ່າງປະເທດ ລາຍງານໃນວັນທີ 14 ສິງຫານີ້ວ່າ ກອງທັບເຮືອອິນໂດເນເຊຍ ໄດ້ເຂົ້າຍຶດເຮືອບັນທຸກສິນຄ້າປະມົງຂອງໄທລຳໜຶ່ງ ໃນມື້ວານນີ້ (13 ສິງຫາ) ຫລັງຈາກລ່ວງລ້ຳເຂົ້າໄປຫາປາໃນເຂດນ່ານນ້ຳຂອງອິນໂດເນເຊຍ ແລະ ປາປົວນິວກີນີ ໂດຍທ່ານນາງ ຊູຊີ ປຸດຈຶອາສະຕູຕຶ ລັດຖະມົນຕີວ່າການກະຊວງກິດຈະການທາງທະເລ ແລະ ການປະປົງອິນໂດເນເຊຍໄດ້ຖະແຫລງວ່າ ເຮືອລຳດັ່ງກ່າວແມ່ນຖືກຕ້ອງສົງໄສໃຊ້ແຮງງານປະມົງເຖື່ອນ ຊຶ່ງກ່ຽວຂ້ອງກັບການຄ້າມະນຸດ ໂດຍອາດເປັນໜຶ່ງໃນເຮືອ 34​ ລຳ ທີ່ກຳລັງຫລົບໜີຈາກການກວາດລ້າງຂອງລັດຖະບານອິໂດເນເຊຍ ທີ່ໄດ້ນຳກຳລັງບຸກຈັບກຸມເຄືອຂ່າຍຄ້າແຮງງານມະນຸດ ເມື່ອຕົ້ນປີ 2015 ທີ່ຜ່ານມາ ໂດຍຄັ້ງນັ້ນແມ່ນສາມາດຊ່ວຍເຫລືອແຮງງານຊາວໄທ, ລາວ, ກຳປູເຈຍ ແລະ ມຽນມາ ທີ່ຖືກບັງຄັບໃຊ້ແຮງງານຄ້າຍຄືກັບຂ້າທາດ.