ຂປລ.ຕາມຂ່າວຕ່າງປະເທດ,ໃນວັນທີ 11 ສິງຫາ 2015, ທ່ານ ຈູ ຊັຟ ຄາລລາ, ຮອງປະທານາທິບໍດີ ອິນໂດເນເຊຍ ໄດ້ຮຽກຮ້ອງ ໃຫ້ບັນດາປະເທດ ສະມາຊິກ ອາຊຽນ ເພີ່ມທະວີ ການຮ່ວມມື ດ້ານປ້ອງກັນ ຄວາມສະຫງົບ ທາງທະເລ ເພື່ອສະກັດກັ້ນ ກຸ່ມໂຈນສະລັກ ທີ່ພວມເຄື່ອນໄຫວຢູ່ ຊ່ອງທະເລ ມາລາກາ ທີ່ເປັນໜຶ່ງໃນບັນດາເສັ້ນທາງ ຂົນສົ່ງທາງທະເລ ທີ່ຟົດຟື້ນຫລາຍ ທີ່ສຸດໃນໂລກ.
ການຮຽກຮ້ອງຄັ້ງນີ້ ໄດ້ມີຂຶ້ນ ພາຍຫຼັງກຳປັ່ນສິງກະໂປ ລຳ ໜ່ຶງ ຖືກໂຈນສະລັກ ບຸກໂຈມຕີ ຢູ່ເຂດທະເລນີ້, ດັ່ງນັ້ນ ການລາດຕາເວນຮ່ວມກັນ ກັບບັນດາ ປະເທດສະມາຊິກ ອາຊຽນ ຈະເປັນມາດ ຕະການ ທີ່ມີປະສິດທິຜົນດີທີ່ສຸດ ເພື່ອສະກັດກັ້ນ ບໍ່ໃຫ້ພວກໂຈນສະລັກ ໜີຈາກປະເທດນີ້ ໄປລີ້ຊ້ອນຢູ່ປະເທດອື່ນ, ພ້ອມທັງ ເພີ່ມທະວີ ການຮ່ວມມື ລຽບຕາມເຂດທະເລ ເພື່ອປາບປາມກຸ່ມໂຈນສະລັກ.
ຂອບໃຈຂ່າວຈາກ:
