ສຳນັກຂ່າວຕ່າງປະເທດ ລາຍງານໃນວັນທີ 11​ ສິງຫານີ້ວ່າ ເກີດເຫດການໂຈມຕີດ້ວຍລະເບີດລົດໃນເຂດສູນກາງການຄ້າໃກ້ກັບເມືອງບາຄູບາ ທາງພາກຕາເວັນອອກສຽງເໜືອຂອງນະຄອນຫລວງແບັກແດດ ປະເທດອີຣັກ ເຮັດໃຫ້ມີຜູ້ເສຍຊີວິດຢ່າງໜ້ອຍ 35 ຄົນ ແລະ ບາດເຈັບອີກກ່ວາ 70 ຄົນ ຈາກນັ້ນບໍ່ດົນໄດ້ເກີດເຫດລະເບີດລົດອີກເທື່ອທີສອງ ຢູ່ດ່ານກວດຂອງເຈົ້າໜ້າທີ່ທາງເບື້ອງທິດຕາເວັນອອກຂອງເມືອງດຽວກັນ ເຮັດໃຫ້ມີຜູ້ເສຍຊີວິດຢ່າງໜ້ອຍ 7 ຄົນ ແລະ ບາດເຈັບອີກປະມານ 25 ຄົນ ໂດຍຍັງບໍ່ທັນມີພາກສ່ວນໃດອອກມາອ້າງເປັນຜູ້ຢູ່ເບື້ອງຫລັງຂອງການກໍ່ເຫດດັ່ງກ່າວ.