spot_img
Homeຂ່າວເຫດການຍ່າງເພື່ອສຸຂະພາບ ສະຫລອງຄົບຮອບ 48 ປີສ້າງຕັ້ງອາ​ຊຽນ ແລະ 18 ປີ ສປປ ລາວ ​​ເຂົ້າ​ເປັນ​ສະມາຊິ​ກອາ​ຊຽນ

ຍ່າງເພື່ອສຸຂະພາບ ສະຫລອງຄົບຮອບ 48 ປີສ້າງຕັ້ງອາ​ຊຽນ ແລະ 18 ປີ ສປປ ລາວ ​​ເຂົ້າ​ເປັນ​ສະມາຊິ​ກອາ​ຊຽນ

Published on

walking

ໃນ​ຕອນ​ເຊົ້າ​ຂອງ​ວັນ​ທີ 8 ສິງຫາ 2015, ກະຊວງ​ການ​ຕ່າງປະ​ເທດ​ໄດ້​ຈັດ​ພິທີ​ຍ່າງ​​​ເພື່ອ​ສຸຂະ​ພາບສະ​ເຫລີ​ມສະຫລອງ​ວັນ​ຄົບຮ​ອບ 48 ປີແຫ່ງ​ການ​ສ້າງຕັ້ງອາ​ຊຽນ ແລະ ວັນ​ຄົບຮອບ 18 ປີທີ່ ສປປ ລາວ ​​ເຂົ້າ​​ເປັນ​ສະມາຊິກ​ອາ​ຊຽນ, ເຊິ່ງ​ເລີ່​ມຈາກ​ປະຕູ​ໄຊ – ຫໍຄຳ – ປະຕູ​ໄຊ ໂດຍ​ການ​ເຂົ້າ​ຮ່ວມ​ຂອງ​ທ່ານ ທອງ​ລຸນ ສິສຸ​ລິດ ຮອງ​ນາຍ​ົກລັ​ດຖະມົນຕີ ລັ​ດຖະມົນຕີ​ວ່າ​​ການ​ກະຊວງ​ການ​ຕ່າງ​ປະ​ເທດພ້ອມ​ດ້ວຍ​ຄະນະ​ນຳ ​ແລະ ພະນັກງານ​ກະຊວງ,ອົງການ​ທຽບ​ເທົ່າ, ທູຕານຸທູ​ດ ​ແລະ ຜູ້ຕາງໜ້າ​ອົງການ​ຈັດຕັ້ງສາກົນ​ຕ່າ​ງໆປະຈຳລາວ ແລະ ມວນຊົນຊາວ​ນະຄອນຫລວງ​ວຽງ​ຈັນເຂົ້າ​ຮ່ວມ​ຫລາຍ​ກ່ວາພັນຄົນຄົນ.

ໃນ​ພິທີທ່ານ ທອງ​ລຸນ ​ສີ​ສຸ​ລິດ​ ​ໄດ້​ມີ​ຄຳ​ເຫັນ​ວ່າ: ​​ປີນີ້​ແມ່ນ​ປີ​ທີ່​ສຳຄັນສຳລັບ​ອາ​ຊຽນ​ ​ໂດຍ​ສະ​ເພາະ​ການ​ສ້າງ​ປະຊາ​ຄົມ​ອາ​ຊຽນ ທີ່​ປະກອບ​ດ້ວຍປະຊາ​ຄົມ​ການ​ເມືອງ – ຄວາມ​ໝັ້ນຄົງ, ປະຊາ​ຄົມ​ເສດຖະ​ກິດ ​ແລະ ປະຊາ​ຄົມ​ວັດທະນະ ທຳ-ສັງຄົມ, ​ເຊິ່ງຈະ​ປະ​ກາດ​​ໃນ​ວັນ​ທີ 13 ທັນວາ 2015 ນິ້, ຜົນສຳ​ເລັດ​ດັ່ງກ່າວຈະ​ເຮັດ​ໃຫ້​ກາຍ​ເປັນ​ພາກພື້ນທີ່​ມີ​ສັນຕິພາບ ​ແລະ ສະຖຽນ​ລະ​ພາບ,​ ເປັນ​ເຂດເສ​ດຖະກິດ​ໃຫຍ່​ອັນ​ດັບ​ທີ 7 ຂອງ​ໂລກ, ເປັນ​ສັງຄົມ​ທີ່​ກົມ​ກຽວ ​ແລະ ​ໂອບ​ເອື້ອອາລີ ໃນ​ທ່າມກາງ​ຄວາມ​ຫລາກ​ຫລາຍ​ທາງ​ດ້ານ​ວັດທະນະທຳ, ພາສາ ​ແລະ ສາສະໜາ, ຊຶ່ງ​ທັງ​ໝົດ​ນີ້​ເກີດ​ຂຶ້ນ​ໄດ້ແມ່ນ​ຍ້ອນ​ການ​ຮ່ວມ​ມື ແລະ ຄວາມ​ສາມັກ​ຄີ​ເປັນ​ນ້ຳ​ໜຶ່ງ​ໃຈ​ດຽວ​ຂອງ 10 ປະ​ເທດ​ອາ​ຊຽນບວກ​ກັບ​ການ​ຮ່ວມ​ມືອັນ​ໃກ້ຊິດ, ການ​ສະໜັບ​ສະ​ໜູນ ແລະ ການ​ຊ່ວຍ​ເຫລືອຂອງ​ບັນ​ດາ​ປະ​ເທດ​ຄູ່​ເຈລະຈາກໍ​ຄື​ຄູ່​ຮ່ວ​ມມື​ຕ່າງໆ. ໃນ​ຂະນະ​ດຽວ​ກັນ, ການ​ຍ່າງ​ເພື່ອ​ສຸຂະພາບ​ນີ້ກໍເປັນ​ການ​ລະດົມ​ປວງ​ຊົນ​ລາວ​ທັງ​ຊາດ​ໃຫ້​ມີ​ຄວາມ​ກຽມພ້ອມ​ທາງ​​ດ້ານ​ຮ່າງກາຍ ​ແລະ ຈິ​ດ​ໃຈ ​ເພື່ອ​ຈະ​ເປັນ​ເຈົ້າພາບ​ທີ່​ດີ ແລະ ​ເປັນ​ປະ​ທານ​ອາ​ຊຽນຢ່າງ​ມີ​ປະສິດ​ທິພາ​ບ ​ເພື່ອ​ຮັບປະກັນ​ຜົນສຳ​ເລັດ​ຂອງ​ອາ​ຊຽນສຳ​ເລັດ​​ປີ 2016 ເຊິ່ງ​ເປັນ​ຄັ້ງທີ​ສອງ​ທີ່ ສປປ ລາວ ​ໄດ້​ຮັບ​ກຽ​ດ​ເປັນ​ປະທານ​ອາຊຽນ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...