ສາວໆບາງຄົນເລືອກລຸດຂັ້ນຕອນໃນການແຕ່ງໜ້າ ເລືອກຜະລິດຕະພັນທີ່ປະສົມສານກັນແດດຕົວດຽວແລ້ວລົງແປ້ງເລີຍ ເພາະແປ້ງກໍປະສົມສານກັນແດດນຳແລ້ວຈະຕ້ອງໃຊ້ຄີມກັນແດດອີກເຮັດຫຍັງໃຫ້ຫລາຍຂັ້ນຕອນ
ຖ້າຊີວິດປະຈຳວັນບໍ່ໄດ້ອອກກາງແຈ້ງຖືກແດດແຮງໆການແຕ່ງໜ້າພຽງເທົ່ານັ້ນກໍຄົງພໍແຕ່ຖ້າຕ້ອງປະເຊີນກັບແສງແດດໝົດມື້ ນັ່ງໃນຫ້ອງການເຈີກັບແສງຈາກຄອມ,ແສງຈາກໄຟສານກັນແດດທີ່ປະສົມນັ້ນອາດເຮັດວຽກໄດ້ບໍ່ມີປະສິດທິພາບພຽງພໍ ອາດເຮັດໃຫ້ໃບໜ້າໝອງຄ້ຳ,ຂຶ້ນຝ້າ
ພວກຜະລິດຕະພັນຮອງພື້ນທີ່ປະສົມສານກັນແດດອາດພ່ວງມາດ້ວຍຄ່າ SPF+++ ດ້ວຍສ່ວນປະສົມບາງຢ່າງໃນສູດໃຫ້ມີຜົນໃນການປ້ອງກັນແສງແດດເທົ່ານັ້ນ ແຕ່ອາດເຮັດໜ້າທີ່ບໍ່ໄດ້ດີ ເພາະສ່ວນປະກອບຫລັກຂອງຜະລິດຕະພັນເຫລົ່ານີ້ຄືສານໃຫ້ສີຈຸດປະສົງຄືເພື່ອປົກປິດຮ່ອງຮອຍຕ່າງໆເຮັດໃຫ້ໜ້າລຽບນຽນຫາກປະສົງຈະປ້ອງກັນແສງແດດເພື່ອຄວາມຫມັ້ນໃຈຄວນເພີ່ມຂັ້ນຕອນໃນການທາຄີມກັນແດດໂດຍສະເພາະຈະດີກວ່າ
