ເຄັດບໍ່ລັບໃນ All Apps ຂອງ Start Menu Windows 10 ທີ່ເຈົ້າອາດຍັງບໍ່ເຄີຍຮູ້ມາກ່ອນ ເລືອກເປີດໂປແກມໄດ້ສະດວກວ່ອງໄວກວ່າເກົ່າ
ເນື່ອງຈາກ Windows 10 ໄດ້ປ່ຽນໜ້າຈໍ Start Screen ຂອງ Windows 8 ກັບມາໃຊ້ເປັນ Start Menu ຄ້າຍກັບ Windows ລຸ້ນກ່ອນໆ ຈຶ່ງເຮັດໃຫ້ຄົນສ່ວນໃຫຍ່ພໍໃຈເພາະໃຊ້ງານໄດ້ມ່ວນຫລາຍຂຶ້ນ ແຕ່ກໍມີສິ່ງໜຶ່ງທີ່ຫລາຍຄົນອາດຂັດໃຈຢູ່ກໍຄືເມນູ All Apps ໃນ Start Menu ເພາະວ່າໄອຄອນຂອງແຕ່ລະໂປແກມນັ້ນມີຂະໜາດທີ່ໃຫຍ່ກວ່າຂອງ Windows 7 ເຮັດໃຫ້ການເລື່ອນຫາຊື່ໂປແກມທີ່ຕ້ອງໃຊ້ງານນັ້ນບໍ່ຄ່ອຍລື້ງເຄີຍແລະວ່ອງໄວທັນໃຈປານໃດ ແຕ່ແທ້ຈິງແລ້ວມັນມີເຄັດບໍ່ລັບຢູ່ ພຽງແຕ່ຫລາຍຄົນອາດຍັງບໍ່ຮູ້ເທົ່ານັ້ນເອງ…
ໃນເມນູ All Apps ນັ້ນຖ້າຫາກລອງສັງເກດເບິ່ງດີໆ ຈະເຫັນວ່າລາຍຊື່ໂປແກມຕ່າງໆ ມີການແບ່ງເປັນໝວດໝູ່ຕາມຕົວອັກສອນຢູ່ ແລະຖ້າລອງຄລິກທີ່ຕົວອັກສອນຕົວໃດຕົວໜຶ່ງເບິ່ງຈະປາກົດຕົວອັກສອນຕັ້ງແຕ່ A – Z ໃຫ້ສາມາດຄລິກເລືອກໄດ້ທັນທີ ເຊັ່ນ ຕ້ອງການເປີດໂປແກມ Windows Media Player ກໍໃຫ້ຄລິກທີ່ຕົວອັກສອນ W ມັນກໍຈະພາເຮົາໄປທີ່ໂປແກມໝວດຕົວອັກສອນ W ທັນທີໂດຍທີ່ບໍ່ຕ້ອງເລື່ອນລົງມາຕັ້ງແຕ່ຕົວອັກສອນ A ເລີຍ ແບບນີ້ວ່ອງໄວທັນໃຈແນ່ນອນ
ນອກຈາກນີ້ຖ້າຫາກຕ້ອງການຖອນການຕິດຕັ້ງໂປແກມທີ່ບໍ່ໃຊ້ງານແລ້ວ ກໍຍັງສາມາດຖອນການຕິດຕັ້ງຈາກເມນູ All Apps ໄດ້ທັນທີໂດຍບໍ່ຕ້ອງເຂົ້າໄປທີ່ໜ້າ Settings ຫລື Control Panel ເລີຍ ພຽງແຄ່ຄລິກຂວາທີ່ໄອຄອນໂປແກມແລ້ວເລືອກ Uninstall ເທົ່ານັ້ນເອງ