ຂປລ.ຕາມ​ຂ່າວ​ຕ່າງປະ​ເທດ, ​ໃນ​ວັນ​ທີ 6 ສິງຫາ 2015, ທ່ານ ​ເຈ ​ເອ ບາຣາຕາ, ​ໂຄສົກ​ກະຊວງ​ ຄົມມະນາຄົມ ​ອິນ​ໂດ​ເນ​ເຊຍ ​ໄດ້​ສັ່ງ​ປິດສະໜາ​ມບິນ ​ຢູ່​ເກາະ​ບາ​ຫລີ ​ແລະ ສະໜາມ​ບິນງູຣະ​ໄຣ ​ຍ້ອນ​ພູ​ໄຟ​ຣາອຸ​ງ ລະ​ເບີດ​ຄັ້ງ​ໃໝ່ ເຮັດ​ໃຫ້​ຫລາຍ​ທ່ຽວ​ບິນ​ ຕ້ອງ​ຖືກ​ຍົກ​ເລີກ ​ແລະ ສ້າງ​ຄວາມ​ຫຍຸ້ງຍາກຕໍ່ ​ການ​ເດີນທາງ​ ເຮັດ​ໃຫ້​​​ນັກ​ທ່ອງ​ທ່ຽວ ​ຫລາຍ​ພັນ​ຄົນ ຕົກ​ຄ້າງ​ຢູ່​ສະໜາມ​ບິນສາກົນ.

ພູໄຟ​ໜ່ວຍ​ນີ້​ ສາມາດ​ພົ່ນ​ຖ່ານ​ໄຟ​ຂຶ້ນ​ສູງ 700-800 ​ແມັດ ​ແລະ ບາງ​ຄັ້ງສູງ​ກວ່າ 1.000 ​ແມັດ ​ເຮັດ​ໃຫ້ການ​ຈະລາຈອນ ​ທາງ​ອາກາດ ​ໃນ​ອິນ​ໂດ​ເນ​ເຊຍ ພົບ​ບັນຫາ​ຍຸ້ງ​ຍາກ​ ຈາກ​ການລະ​ເບີດ​ຂອງ​ພູ​ໄຟ. ອິນໂດເນເຊຍ ເປັນ​ປະ​ເທດ​ໜຶ່ງ ທີ່ຕັ້ງຢູ່​ເທິງ​ວົງ​ແວນ​ແຫ່ງ​ໄຟ​ ຮອບ​ມະຫາ​ສະມຸດ ​ປາຊີ​ຟິກ ​ແລະ ມີ​ພູ​ໄຟ​ໃຫຍ່​ເຖິງ 130 ໜ່ວຍ ຫລາຍ​ທີ່​ສຸດ​ໃນ​ໂລກ.

ຂອບໃຈຂ່າວຈາກ: