ວັນທີ່ 6 ສິງຫາທີ່ຜ່ານມານີ້ ສຳນັກຂ່າວ ‘ຊີເອັນເອັນ’ ລາຍງານຄວາມເຄື່ອນໄຫວໃນການສຳຫລວດທາງອາວະກາດ ເຊີ່ງຫຼ້າສຸດ ດາວທຽມຈາກອົງການບໍລິຫານການບິນແລະອາວະກາດແຫ່ງຊາດ ຫລື ນາຊ່າ ທີ່ຢູ່ໃນຕຳແໜ່ງຫ່າງຈາກໂລກ 1, 609, 344 ກິໂລແມັດ ແລະຂັ້ນກາງຢູ່ລະຫວ່າງດວງຈັນແລະດວງອາທິດ ໄດ້ທຳການບັນທຶກພາບຫຼ້ສຸດ ທີ່ສະແດງໃຫ້ເຫັນເຖິງດ້ານມືດຂອງດວງຈັນ ທີ່ບໍ່ສາມາດເບິ່ງເຫັນໄດ້ຈາກໂລກ ເຊີ່ງໃນພາບນີ້ໄດ້ເຫັນດວງຈັນກຳລັງເຄື່ອນຜ່ານໂລກ ບໍລິເວນມະຫາສະມຸດປາຊິຟິກໄປທາງທະວີບອາເມຣິກາເໜືອ
ນອກຈາກນີ້ພາບເຄື່ອນໄຫວດັ່ງກ່າວ ບັນທຶກໂດຍກ້ອງທີ່ຕິດຕັ້ງຢູ່ເທິງດາວທຽມສຳຫລວດບັນຍາກາດຈາກອາວະກາດ (DSCOVR) ຄວາມລະອຽດ 4 ລ້ານພິກເຊວ ພາຍໃຕ້ພາລະກິດຈະສຳຫລວດລະບົບສຸລິຍະ ຈາກອົງການນາຊ່າ ແລະເປັນພາບເຄື່ອນໄຫວທີ່ສະແດງໃຫ້ເຫັນເຖິງດວງຈັນກຳລັງເຄື່ອນຕົວໝຸນຮອບຕົວເອງຜ່ານໂລກ ເຊີ່ງພາລະກິດດັ່ງກ່າວ ເປັນປັດໄຈໃນການປະກອບຄາດເດົາ ແລະການແຈ້ງເຕືອນສະພາບອາກາດ ໂດຍການບັນທຶກພາບດ້ານມືດຂອງດວງຈັນ ເກີດຂຶ້ນເປັນເທື່ອທຳອິດເມື່ອປີ 1955 ໂດຍຢານອາວະກາດລູນ່າ 3 ຂອງໂຊວຽດ
ພ້ອມກັນນີ້ ອົງການນາຊ່າ ລະບຸວ່າ ໃນເດືອນກັນຍານີ້ ກ້ອງຕົວນີ້ຈະຖືກໃຊ້ບັນທຶກພາບແລະສັງເກດການໂອໂຊນ ເມກ ແລະລະອອງຂອງແຫລວໃນຊັ້ນບັນຍາກາດຂອງໂລກ ຈາກນັ້ນທາງອົງການຈະໂພດພາບລົງໃນສື່ສັງຄົມອອນໄລນ໌ ມື້ລະ 12 ເຖິງ 36 ຊົ່ວໂມງ ຫລັງການບັນທຶກພາບ