spot_img
Homeຂ່າວຕ່າງປະເທດອາຊຽນ ແລະ ປະເທດຄູ່ເຈລະຈາ ປະກາດຈຸດຢືນສະໜັບສະໜູນ ຂໍ້ຕົກລົງນິວເຄລຍອີຣ່ານ ແລະ ຊາດມະຫາອຳນາດ!

ອາຊຽນ ແລະ ປະເທດຄູ່ເຈລະຈາ ປະກາດຈຸດຢືນສະໜັບສະໜູນ ຂໍ້ຕົກລົງນິວເຄລຍອີຣ່ານ ແລະ ຊາດມະຫາອຳນາດ!

Published on

ASEAN-ARF-SINGAPORE

ສຳນັກຂ່າວຕ່າງປະເທດ ລາຍງານໃນວັນທີ 7 ສິງຫານີ້ວ່າ ກອງປະຊຸມລັດຖະມົນຕີຕ່າງປະເທດອາຊຽນ ພ້ອມທັງປະເທດຄູ່ເຈລະຈາຊຶ່ງລວມມີ ຍີ່ປຸ່ນ, ເກົາຫລີໃຕ້, ອິນເດຍ, ອົດສະຕີລີ ແລະ ນິວຊີແລນ ໄດ້ອອກຖະແຫລງການຮ່ວມກັນ ທີ່ນະຄອນຫລວງກົວລາລຳເປີ ປະເທດມາເລເຊຍ ເພື່ອປະກາດຈຸດຢືນຮ່ວມກັນໃນການສະໜັບສະໜູນຂໍ້ຕົກລົງນິວເຄລຍ ລະຫວ່າງອີຣ່ານ ແລະ 6 ປະເທດມະຫາອຳນາດ (P5+1) ທີ່ໄດ້ເຊັນກັນໃນວັນທີ 14 ກໍລະກົດຜ່ານມາ ຢູ່ນະຄອນຫລວງວຽນ ປະເທດໂອຕຣິດ ໂດຍຄຳຖະແຫລງໄດ້ລະບຸວ່າ ຂໍ້ຕົກລົງດັ່ງກ່າວ ຈະເປັນການຮັບປະກັນເຖິງການດຳເນີນໂຄງການນິວເຄລຍຢ່າງສັນຕິຂອງອີຣ່ານ ແລະ ຄາດຫວັງວ່າ ການບັນລຸຂໍ້ຕົກລົງດັ່ງກ່າວນີ້ ຈະເປັນໃບເບີກທາງສູ່ການຮັດແໜ້ນຄວາມສຳພັນ ແລະ ການຄ້າການລົງທຶນລະຫວ່າງອາຊຽນ ແລະ ອີຣ່ານໃນອານາຄົດ.

ທັງນີ້ ອີຣ່ານ ແລະ ມະຫາອຳນາດ 6 ປະເທດ (P5+1) ຊຶ່ງປະກອບມີ 5 ປະເທດສະມາຊິກຖາວອນຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ທີ່ປະກອບມີ ສະຫະລັດອາເມຣິກາ, ອັງກິດ, ຝຣັ່ງ, ຣັດເຊຍ ແລະ ສາທາລະນະລັດປະຊາຊົນຈີນ ບວກອີກ 1 ປະເທດມະຫາອຳນາດໃນເອີຣົບຄື ເຢຍລະມັນ ໄດ້ບັນລຸຂໍ້ຕົກລົງຄັ້ງປະຫວັດສາດດັ່ງກ່າວຮ່ວມກັນ ອັນເປັນການປິດສາກການເຈລະຈາແບບຍາວນານກ່ວາ 1 ທົດສະວັດ.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...