LINE ສາມາດຫຼິ້ນຜ່ານຄອມໄດ້ແລ້ວ (Browser)
ຫຼັງຈາກປ່ອຍໃຫ້ອ້າຍໃຫຍ່ WhatsApp ແລະ ນ້ອງນ້ອຍ WeChat ນຳໜ້າໄປດົນເຕີບກັບເວັບແອັບເທິງ Google Chrome, ເມື່ອສອງສາມມື້ ທີ່ຜ່ານມານີ້ LINE, ແອັບຯສົນທະນາຍອດນິຍົມຈາກຝັ່ງເກົາຫຼີກໍໄດ້ຖືໂອ ກາດປ່ອຍ LINE ໃຫ້ຜູ່ໃຊ້ບຣາວເຊີ Chrome ເທິງ Windows, Linux, Chrome OS ແລະ OSX ໄດ້ໃຊ້ກັນ ເປັນທີ່ຮຽບຮ້ອຍ.ທີ່ຈິງແລ້ວ LINE ກໍມີເວີຊັນ Windows ອອກມາໃຫ້ໃຊ້ກັນດົນເຕີບແລ້ວ ແຕ່ວ່າປະສົບການການໃຊ້ງານ ຍັງບໍ່ທັນເຮັດອອກມາໄດ້ດີເທົ່າທີ່ຄວນ ແລະ LINE for Chrome ນີ້ກໍຖືວ່າສາມາດມາເຕີມເຕັມ ໃນສ່ວນດັ່ງ ກ່າວໄດ້ດີພໍສົມຄວນ ບໍ່ວ່າຈະເປັນດ້ານໜ້າຕາ ແລະ ຄວາມລື່ນໄຫຼໃນການໃຊ້ງານ.
ສຳລັບການຕິດຕັ້ງ
ແມ່ນໃຫ້ປະຕິບັດດັ່ງນີ້:
- ເປີດບຣາວເຊີ Chrome ຂຶ້ນມາແລ້ວໄປທີ່ນີ້ເລີຍເພື່ອຕິດຕັ້ງສ່ວນເສີມດັ່ງກ່າວ
- ຄຼິກທີ່ Add to Chrome
- ຄຼິກໃສ່ Add
- ລໍຖ້າໃຫ້ການຕິດຕັ້ງສຳເລັດ ແລ້ວຄຼິກໃສ່ LAUNCH APP
- ພິມອີເມລ ແລະ ລະຫັດຜ່ານໃສ່ເພື່ອເຂົ້າສູ່ລະບົບ ເປັນອັນວ່າສຳເລັດຂັ້ນຕອນການຕິດຕັ້ງ
- ໜ້າຕາຂອງ LINE for Chrome ກໍອອກມາປະມານນີ້
- ໜ້າຈໍຈະແບ່ງເປັນສອງສ່ວນຄື ສ່ວນເບື້ອງຊ້າຍຄືສ່ວນຄວບຄຸມທີ່ມີແຖບລາຍການສົນທະນາ, ລາຍຊື່ໝູ່, ກຸ່ມ ແລະ ຄົ້ນຫາໝູ່ໃໝ່ ແລະ ກ້ຳຂວາແມ່ນໜ້າຈໍສະແດງຜົນໜ້າຈໍສົນທະນາ ແລະ ຂໍ້ມູນຕ່າງໆ
- ຮອງຮັບການໃຊ້ງານສະຕິກເກີ, ສົ່ງຮູບ ແລະ ຖ່າຍຮູບໜ້າຈໍສົນທະນາໄດ້ຢ່າງງ່າຍດາຍ
- ເບິ່ງຂໍ້ມູນຂອງຜູ່ໃຊ້ໄດ້ ພ້ອມທັງສາມາດບຼັອກລາຍຊື່ຕິດຕໍໄດ້ອີກ
ສະຫຼຸບຄື LINE for Chrome ເຮັດອອກມາໄດ້ໃນລະດັບທີ່ໜ້າພໍໃຈ ຄື ໜ້າຕາສວຍງາມ ແລະ ມື່ນດີ ການ ຕອບສະໜອງຕໍ່ການຄຼິກຖືວ່າໄວໃຊ້ໄດ້ ຖ້າທຽບໃສ່ເວີຊັນ Desktop ທີ່ອອກມາກ່ອນໜ້ານັ້ນ. ຕອນນີ້ຍັງບໍ່ ທັນຮອງຮັບສະຕິກເກີແບບເໜັງຕີງໄດ້ ແລະ ມີສຽງເທື່ອ ແລະ ຍັງບໍ່ທັນສາມາດເບິ່ງ timeline ຂອງຜູ່ໃຊ້ໄດ້. ທ່ານຜູ່ອ່າານໃຊ້ແລ້ວຮູ້ສຶກແນວໃດກໍມາແບ່ງປັນຄວາມຄິດເຫັນນຳກັນທີ່ກ່ອງຄວາມເຫັນດ້ານລຸ່ມໄດ້ເລີຍ
ຂໍຂອບໃຈ ຂໍ້ມູນດີໆຈາກ Moblie Talk TV
